Një shpërthim me lëndë plasëse u regjistrua në lagjen “Çlirimi” të qytetit të Elbasanit.
Si pasoj&eu...
KOSOVA
Marrëveshja që shmangu krizën/ “Reuters”: Kosova zgjodhi Presidenten, shmangu zgjedhjet
PiranjatPërditësimi i fundit 7 Tetor 2026, 11:15
Zgjedhja e Justina Shiroka-Pulës në postin e Presidentes së Kosovës ka marrë vëmendjen e agjencisë ndërkombëtare të lajmeve Reuters.
Reuters raporton se Shiroka-Pula mori 81 vota në Kuvendin e Kosovës me 120 deputetë, vetëm një votë më shumë se shumica e nevojshme për zgjedhjen e saj.
Agjencia thekson se dështimi për zgjedhjen e presidentit do ta çonte vendin drejt zgjedhjeve të parakohshme parlamentare.
Pas zgjedhjes, Shiroka-Pula deklaroi se mandati i saj i përket të gjithë qytetarëve të Kosovës.
“Do të jem presidente e të gjithë qytetarëve”, citohet të ketë thënë ajo.
Reuters e lidh zgjedhjen e saj me marrëveshjen politike mes Lëvizjes Vetëvendosje të kryeministrit Albin Kurti dhe Partisë Demokratike të Kosovës, e cila përfshinte edhe ndryshime në Ligjin për Dhomat e Specializuara të Kosovës në Hagë.
Në artikull përmenden edhe protestat e zhvilluara të hënën, gjatë të cilave Policia e Kosovës përdori gaz lotsjellës dhe topa uji për shpërndarjen e protestuesve që kërkonin kufizimin e kompetencave të Dhomave të Specializuara.
Reuters kujton gjithashtu aktgjykimin e 16 shtatorit ndaj ish-presidentit Hashim Thaçi dhe tre ish-krerëve të tjerë të Ushtrisë Çlirimtare të Kosovës.
Agjencia e përshkruan postin e presidentit në Kosovë si kryesisht ceremonial, ndërsa thekson se zgjedhja e kreut të shtetit ka qenë në të kaluarën burim i paqëndrueshmërisë politike.
Shiroka-Pula përshkruhet nga Reuters si ekonomiste, profesoreshë e ekonomisë dhe kryetare e Akademisë së Shkencave dhe të Arteve të Kosovës.
