Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu... Gjeti 12 mijë euro në koshin e plehrave dhe i dorëzoi në polici, ndershmëria i siguron punë të përhershme n... Kishte shkuar për azil, 28-vjeçari shqiptar humb jetën në kampin e refugjatëve në Berlin VIDEO/ Qielli i Kievit në flakë, del momenti kur mbrojtja ukrainase rrëzon dronin rus gjatë sulmit masiv të... Arrestohen tre persona në Durrës, njëri prej tyre grabiti taksistin, dy të tjerët kapen me kanabis në port... Jennifer Lopez flet për jetën si beqare pas divorcit nga Ben Affleck: S’kam nevojë për një lidhje, jam e lu...
INVESTIGIME

Buxheticidi!

P
Piranjat20 November 2026, 21:05 · 4 min lexim
Buxheticidi!

Nga Florian Binaj

Këtë javë Qeveria kaloi buxhetin e vitit 2027.

Ka shumë vite që na kanë bërë të besojmë se buxheti vjetor i qeverisë nuk ka lidhje me ne. Sikur të ishte diçka jashtë nesh, e largët, shumë teknike, që ne nuk e kuptojmë. Në fakt, buxheti vjetor është i lidhur direkt me xhepin tonë. Ai merr ose fut para në atë xhep, në varësi të mënyrës se si është ndërtuar.

Ne mund të mos dimë të përdorim Excel-in, por çdo shqiptar e ndjen shumë mirë te xhepi.

Dhe ajo që unë shoh te prezantimi i qeverisë nuk është thjesht një buxhet i keq. Është një buxheticid.

Sepse ka kohë që një buxhet nuk vriste kaq shumë gjëra njëherësh.

Së pari, ky buxhet vrau Kryeministrin, atë që premtoi se problematikat e artikuluara në shesh do t’i zgjidhte. Por asnjë nga arsyet që i nxorën njerëzit në rrugë nuk gjen përgjigje në atë buxhet.

Në vend të tyre, gjejmë borxhin. Rreth shtatë mijë e pesëqind euro për çdo shqiptar. Për çdo shqiptar të Shqipërisë, sepse shqiptarët e Kosovës kanë vetëm 1200 euro.

Edhe për foshnjën që lind sot, e që, pa u regjistruar ende, e ka borxhin në emër. Ky kryeministër e kjo qeveri do të ikin, por ne atë borxh do ta kemi përherë në shpinë.

Kush e paguan? Klasa e mesme, që e ka paguar gjithmonë. Biznesi i vogël, të cilit i premtuan të mos i vihej taksë deri në vitin 2029, por po e fusin në TVSH. Profesionet e lira, që tani do t'i numërojë një byro e re kontrolli. Dhe pse? Sepse një buxhet i menduar për t'u bërë rrush e kumbulla kërkon të shtrydhë sa më shumë ata që punojnë.

Dhe gjithë ky borxh, gjithë këto taksa shtesë, askush nuk pret t'i shohë të kthyera në shërbime apo në cilësi jete. Për arsimin ka buxhet, por për ata që dalin prej tij, asnjë vend pune. Për malet ka një paketë, por për ata që jetojnë atje, as një rresht.

E vërteta është që ky buxhet nuk po rritet për t’i bërë shqiptarët më të pasur, por sepse qeverisë i duhen miliarda euro për të mbuluar gropat e zeza financiare të krijuara nga vetë aferat e saj korruptive. Ajo gropë me 400 milionë euro që lanë pas inceneratorët fantazmë, ku tjetër do të fshihet përveçse në buxhet? Buxheti i 2027-ës, i miratuar pa konsensus, vetëm me forcën e kartonave, është thjesht një thes më i madh për t'u vjedhur.

Ai mund ta quajë buxhet. Unë e shoh si buxheticid.

Sepse buxheticidi nuk është vrasja e një buxheti. Është vrasja e gjithë asaj që na kishin premtuar. Është vrasja e ekonomisë familjare sime dhe tënden, përgjatë një viti./piranjat news

Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi.

 

SHPËRNDAJE

Lexo edhe

INVESTIGIME

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.