“Kudo ku ka protestë ka arsye për të reflektuar"/ Rama: Në Tiranë janë tejet komplekse, si një tenxhere ku zjen gjithçka

Kryeministri Edi Rama, në Forumin e Paqes, gjatë deklaratave mbi protestat në Shqipëri të cilat nisën prej muajit qershor e deri më tani në përshkallëzimin e revoltave studentore, citoi se sfondi i protestave mbetet kompleks. Ai e lidhi situatën aktuale të Shqipërisë me një tenxhere që zien gjithçka, përfshirë mjedisin, gjepurat anti-semite, partitë e opozitës e deri tek iluzionet e ANTIFA-s.

Për protestën Rama pohoi se ajo duhet trajtuar në disa mënyra ndërsa tha se nga masat e marra për buxhetin e ri do të thjeshtësohet edhe kostoja e jetesës. Kryeministri e krahasoi rastin me situatën aktuale në Francë ku është miratuar edhe rritja e pagave, pavarësisht se ai i cilësoi tubimet francezë të ndryshme nga të Shqipërisë. 

“Mendoj se kurdo e kudo ka një protestë, ka arsye mbi të cilat duhet reflektuar në përpjekje për të gjetur çfarë ka në sfond. Sfondi i kësaj proteste është mjaft komplekse. Është si një tenxhere ku zien gjithçka. Nga shqetësimi për mjedisin, gjepura anti-semite të ndezura nga armiqtë e vendit tonë, si republika Khomeiniste e Iranit, parti të mëdha e të vogla të opozitës që fshihen pas, iluzionet e ANTIFA-s, por edhe njerëz që kanë shqetësimet e tyre për kostot e jetesës e deri te njerëz të sjellë nga krimi i organizuar. Është një gjë tejet komplekse, që nuk duhet trajtuar në një mënyrë, por në disa mënyra.

Buxheti i ri përmes masave të mara do e lirojë pak presionin e kostos së jetesës. E shoh, sepse e shoh edhe në Francë sesa komplekse është, pavarësisht se konteksti është ndryshe”, tha Rama.