“Nuk duam stadium, por pronarë të rinj”/ Tifozët  e United shpalosën banderolën në sfidën ndaj Aston Villas

Manchester United po kalon një nga periudhat më të vështira të viteve të fundit. Barazimi spektakolar 4-4 ndaj Aston Villas nuk ka mjaftuar për të qetësuar situatën në Old Trafford. Tifozet e zemëruar shpalosën një banderole, ku bëjnë përgjegjës pronarët e klubit për mungesën e blerjeve të reja, sidomos në repartin e mbrojtjes.

“Ne nuk duam një stadium të ri, duam pronarë të rinj!”

Ky është mesazhi i qartë i tifozëve të Manchester United, të cilët shprehën edhe një herë pakënaqësinë ndaj drejtuesve të klubit. Gjatë sfidës me Aston Villën, në Old Trafford u shfaqën pankarta kundër familjes Glazer dhe Jim Ratcliffe, ndërsa tifozët kundërshtojnë planet për ndërtimin e një stadiumi të ri, duke kërkuar që investimet të përqendrohen te skuadra dhe jo te projektet infrastrukturore. 

Manchester United po vuan nga mungesa të rëndësishme sidomos në repartin defensiv, ku dëmtimet kanë kufizuar alternativat e trajnerit Michael Carrick. 

Në qendër të kritikave është edhe ky I fundit. Pozicioni i tij mbetet I pasigurt, ndërsa barazimi me Villën i ka dhënë vetëm një tjetër mundësi për të vazhduar punën. I pyetur për të ardhmen e tij, Carrick u shpreh se nuk po mendon për dorëheqjen dhe se pret të vazhdojë punën për të përmirësuar rezultatet.

Pakënaqësia vjen në një moment tepër delikat për Manchester United, që nuk po gjen rrugën e rezultateve pozitive, ku aktualisht ndodhet në vendin e 18-të në Premier League, me vetëm 8 pikë pas 10 ndeshjesh. Sfida e radhës për  Manchester United është më 22 nëntor ndaj Liverpoolit, një tjetër provë e vështirë për Carrick dhe ekipin.