Julian Shehu: Objektivi ynë është të ruajmë vendin e parë në grup dhe të jemi kryesues deri në fund

Mesfushori i Kombëtares shqiptare, Julian Shehu, ka theksuar se objektivi i skuadrës në përballjen ndaj Finlandës është marrja e rezultatit maksimal dhe ruajtja e vendit të parë në grup.

Në një prononcim për gazetaren e Ora News, Sabina Mete, Shehu u shpreh se skuadra është e vetëdijshme për vështirësitë e ndeshjes, por po përgatitet për të dhënë maksimumin.

Ai theksoi se presioni është pjesë e futbollit dhe se lojtarët, si profesionistë, duhet të dinë ta përballojnë atë.

“Çdo ndeshje ka vështirësinë e vet dhe ne duhet të japim maksimumin e ta përgatisim në mënyrën më të mirë të mundshme. Presioni është pjesë e lojës, kështu që ne jemi profesionistë dhe duhet të dimë si ta përballojmë. Objektivi ynë është të qëndrojmë në vendin e parë në grup dhe besoj se deri në fund do t’ia dalim”, deklaroi Shehu.

Futbollisti nënvizoi se skuadra do të hyjë në fushë me synimin për të marrë rezultatin maksimal dhe për të ruajtur kryesimin në grup.

Julian Shehu: Sabina Mete gazetare Përshëndetje, Sabina Mete, televizioni Ora News. Shehu, kemi dy përballje shumë të rëndësishme, por t'i referohemi, qëndrojmë tek përballja me Finlandën. Sa e vështirë është në fakt që të ruajmë kryesimin? Sa besojmë ne dhe sa presion ka në këtë moment kur kërkohet nga presidenca, nga trajneri, nga tifozët, nga të gjithë, ky vendi i parë dhe me gjithë atë e kryesojmë dhe të mos e humbasim.

Faleminderit. Julian Shehu: Unë besoj që çdo ndeshje ka atë vështirësinë e vet dhe patjetër që ne duhet të japim maksimumin dhe ta përgatisim atë në mënyrën më të mirë të mundshme.

Presioni është pjesë e lojës, kështu që ne jemi profesionistë dhe duhet të dimë se si ta përballojmë dhe të jemi përpara lojës, ta përgatisim në mënyrën më të mirë dhe të shkojmë patjetër për të marrë domethënë, ta bëjmë lojën për të marrë rezultatin maksimal. Kështu që patjetër që është objektivi jonë që të qëndrojmë në vendin e parë në grup dhe të jemi kryesues të grupit dhe besoj se deri në fund do ia dalim.