Kongresmeni amerikan Jim McGovern ka reaguar me shqetësim për protestat në Shqipëri, duke i bërë thirrje qeverisë të nda...
POLITIKE
Bushati: Rama po mashtron për protestuesit, rasti i studentit tregon se i ka dalë situata jashtë kontrollit
PiranjatPërditësimi i fundit 23 Tetor 2026, 20:06
Gazetari Andi Bushati, i ftuar në Edicionin ‘Ora 19:00’ në SYRI TV, me moderatoren Armela Ferko, deklaroi se kryeministri Edi Rama po përdor propagandën për të justifikuar qëndrimin e qeverisë ndaj protestave, duke ngritur akuza të pavërtetuara ndaj protestuesve.
Duke komentuar rastin e të riut që Rama e cilësoi si trafikant droge me precedent penal dhe që më pas doli publikisht për të kundërshtuar këto akuza, Bushati tha se ky episod tregon se kryeministri po mashtron publikun ose po keqinformohet nga vartësit e tij.
‘Pra, mjafton historia e atij djalit, të cilit kryeministri i thotë trafikant droge me precedent penal, që nuk është student, dhe ai është edhe student, edhe pa precedent penal, edhe student ekselent, për të kuptuar që këtu jemi në një lojë propagandistike’, u shpreh Bushati.
Sipas gazetarit, Rama po përpiqet ta zhvendosë debatin nga zemërimi i qytetarëve ndaj qeverisjes, duke rikthyer narrativën e ‘duarve të fshehta’ dhe ndërhyrjeve të huaja.
‘Ne do diskutonim sot nëse kryeministri ka bërë një linçim, nëse kryeministrit nuk do ishte kapur në mashtrim.
Pra, mjafton historia e atij djalit, të cilit kryeministri i thotë trafikant droge me precedent penal që nuk është student, dhe ai është dhe student, dhe pa precedent penal, dhe një student ekselent, për të kuptuar që këtu jemi në një lojë propagandistike.
Rama, ashtu siç nxjerr teori që kopshti i Edenit do qëllohej me dron për të justifikuar dhunën policore, do të shpiki histori nga hiçi për të justifikuar qasjen që qeveria ka ndaj asaj që po ndodh.
Sepse po të shohim ç'kemi dëgjuar gjithë këto ditë, ashtu si dhe në fillimin e revolucionit të flamingove, gjithmonë flitet për duar të fshehta, duar të pista, diçka që qëndron mbrapa, diçka që ka lidhje me shtetet e huaja, me shtete armike, një histori që shqiptarët kanë që nga vitet '90 që e dëgjojnë nga çdo pushtet.
Dhe e gjitha kjo shërben për të vendosur në debatin publik një temë të rreme, e cila do të sulmojë temën reale, që nga të rinjtë deri te pleqtë, janë të zemëruar dhe të revoltuar me këtë qeverisje.
Po pra, me rastin që mora këtë mundova të të sjell. Sepse të akuzosh dikë për një vepër penale do të thotë që ai ka shfrytëzuar postin dhe ka kaluar kompetencat për të na thënë një gjë të vërtetë. Rasti që unë solla çfarë tregon?
Tregon që Rama është i amnistuar nga vepra penale e nxjerrjes së diçkaje që është kompetencë e policisë, e qeverisë, e shërbimit sekret apo e vetë kryeministrit, sepse ai thjesht po bllofon, po mashtron. Pra në një farë mënyre, përpara se ne Ramën ta akuzojmë që ti po abuzon me detyrën, ne shohim dobësinë e Ramës sepse unë jam i bindur që në atë protestë aq masive mund të ketë pasur dhe njerëz me precedent kriminal.
Por ai nuk nxjerr dot një njeri me precedent kriminal, të gjithë ata që policia politike po i arreston, gjykata po i liron. Pra ata s'kanë asnjë fakt, asnjë provë edhe për të inkriminuar ata njerëz që i kanë kapur.
Thjesht Rama po bën propagandë dhe kjo nga një anë është e neveritshme, por nga ana tjetër tregon, në qoftë se ti e mbush shërbimin informativ me dashnoret e Gys Agasit, në qoftë se ti e mbush policinë me bashibozukë dhe militantë politikë, në ditën që ty do të të duhen nuk do të të sjellin dhe asnjë provë reale që ti t'ia nxjerrësh publikut.
Pra historia që pamë sot, që i del një njeri, heq maskën dhe thotë 'unë nuk jam ai që thua ti', tregon që Edi Ramën ose po na gënjen neve, ose aq më keq akoma, po e gënjejnë vartësit e tij që vjedhin në emër të tij dhe i thonë: A, do ti të të servirim ne ca si njerëz me rekorde kriminale?
Po t'i japim! Po thjesht po të gënjejmë ty për të bërë detyrën. Dhe aty ky është një kryeministër që vërtet qëndron në post, por që i ka ikur kontrolli mbi situatën.’, tha Andi Bushati në SYRI TV.
