Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Adriatik Lapaj rikonfirmon: Mbështesim Florjan Binajn për Bashkinë e Tiranës Këlliçi: Dëshmia e Mirel Mërtirit në Vjenë për inceneratorin e Tiranës mund të ketë pasoja “bërthamore” për... Macron pas 10 vitesh si President: Bëra më të mirën që munda, pavarësisht gabimeve  Bardhi: Pse SPAK nuk merr ne pyetje Edi Ramën për mesazhet e takimeve me biznesmenët? Ai është urdhëruesi... VIDEO/ 380 metra rrugë në Tragjas-Vlorë tenderohet 3 milionë euro! “Protesta është me leje, mos prekni gocat me dorë!”/ Përplasje te Kryeministria, policia shtyn dhe shoqëron... Zyrtare/ AP: Vende anëtare nuk ishin dakord që Samiti i NATO-s të mbahej në Tiranë EMRI- Aksidenti tragjik në autostradën Fier-Vlorë/ Kush është shefi i Krimeve që humbi jetën E rëndë në Vlorë/ Automjeti përplaset me mjetin e tonazhit të rëndë, një i vdekur dhe një i plagosur U arrestua nga policia greke, gjykata merr vendimin për Odise Dhimën! I ndalohet edhe peshëngritja  Aksident në Elbasan! Makina përplas të moshuarin, këmbësori pëson plagë të rënda Kombëtarja U-21/ Trajneri Bushi: Spanja kundërshtar i nivelit të lartë, do të luf*ojmë me shpirt e zemër...
POLITIKE

‘Fati i Bashkisë Memaliaj’ në Kuvend/ Malaj: Do të protestojmë nesër! Zëri i qytetarëve duhet të dëgjohet!

P
Piranjat 2 October 2026, 09:21 · 3 min lexim
‘Fati i Bashkisë Memaliaj’ në Kuvend/ Malaj: Do të

Kryebashkiaku i Memaliajt, Albert Malaj, u ka bërë thirrje qytetarëve të bashkisë dhe memaljotëve që jetojnë në Tiranë të mblidhen përpara Kryesisë së Kuvendit, në kuadër të shqyrtimit të propozimit për reformën territoriale.

Sipas tij, propozimi i mazhorancës për ndryshimin e organizimit territorial, që parashikon bashkimin e Memaliajt me Tepelenën, prek drejtpërdrejt të ardhmen e njësisë vendore.

Në apelin e tij në Facebook, kryebashkiaku thekson se banorët duhet të kenë mundësinë të shprehen për ndryshimin që prek bashkinë e tyre. Ai u kërkon qytetarëve të jenë të pranishëm në orën 09:30 përpara Kryesisë së Kuvendit, duke deklaruar se Memaliaj duhet të dëgjohet në procesin e vendimmarrjes për reformën territoriale.

Postimi i plotë:

Të dashur Memaljot kudo që ndodheni!

Nesër, në orën 10:00, në Komisionin për Çështjet Ligjore të Kuvendit do të shqyrtohet çështja që lidhet me të ardhmen e Bashkisë Memaliaj, në kuadër të projektit për reformën territoriale.

Si Kryetar i Bashkisë, dua t’ju bëj sot një apel të rëndësishëm:

Në këto momente, Memaliaj më shumë se kurrë ka nevojë për ndihmën dhe mbështetjen tuaj!

Vendlindja jonë e dashur ndodhet përballë një vendimmarrjeje që mund të sjellë ndryshime të rëndësishme për të ardhmen e saj.

Memaliaj, ky territor historik, i ngritur dhe zhvilluar mbi sakrificat e bijve të saj, po përballet me një moment të rëndësishëm për të ardhmen e tij.

Çdo ndryshim në statusin dhe organizimin territorial të bashkisë prek drejtpërdrejt mënyrën e përfaqësimit, ofrimit të shërbimeve dhe qeverisjes vendore.

Banorët e Memaliajt kanë të drejtën të shprehen dhe të mbrojnë interesin e komunitetit të tyre dhe të ardhmen e njësisë së tyre vendore.

Në këto momente, zëri i qytetarëve duhet të dëgjohet.

Kushtetuta shqiptare dhe Karta Evropiane e Vetëqeverisjes Vendore janë referenca të rëndësishme për të drejtat dhe funksionimin e qeverisjes vendore.

Na duhet vetëm të mblidhemi nesër, në orën 09:30, përpara Kryesisë së Kuvendit, aty ku do të shqyrtohet fati i Bashkisë sonë.

T’u tregojmë të gjithëve se populli Memaljot është i bashkuar në mbrojtje të Bashkisë Memaliaj dhe do të kërkojë me këmbëngulje që zëri i tij të dëgjohet!

Një thirrje e veçantë është edhe për të gjithë memaljotët që jetojnë, punojnë dhe studiojnë në Tiranë.

Mirë u takofshim nesër në Tiranë! 

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.