Një marinar 24-vjeçar i Marinës Mbretërore Britanike është paraqitur në gjykatë, i akuzuar për përgatitje p&...
POLITIKE
‘Territorialja’/ Hoxha: Po i shpërbëhen bashkitë e vogla, Tirana ofron zero shërbime për fshatrat
PiranjatPërditësimi i fundit 8 Tetor 2026, 22:18
Gazetari Artan Hoxha, i ftuar në “Çim Peka LIVE” në SYRI TV, ka komentuar debatin për reformën territoriale, duke e lidhur kundërshtimin ndaj saj me mungesën e shërbimeve në zonat rurale.
Hoxha tha se heqja e bashkive të vogla rrezikon, sipas tij, të largojë më tej shërbimet nga banorët, ndërsa solli si shembull Bashkinë e Tiranës dhe zonat rurale që tashmë janë pjesë e saj.
Hoxha kundërshtoi edhe argumentin se bashkitë më të mëdha do të jenë në gjendje të ofrojnë më shumë shërbime për zonat rurale.
Gazetari tha se pakënaqësia ndaj reformës është e pranishme edhe te banorë që nuk janë pjesë e elektoratit opozitar, duke përmendur protestat në Divjakë dhe Poliçan.
Sipas Hoxhës, kjo pakënaqësi mund të kthehet në një kauzë të përbashkët për banorë me bindje të ndryshme politike.
‘Ti shfrytëzo këtë pakënaqësi që e kanë, se njerëzit... unë jam pothuaj çdo javë jam në terren, lëviz, takoj njerëz, i shoh çfarë pakënaqësie kanë njerëzit. Po s'dinë ku ta çojnë, ku ta kanalizojnë pakënaqësinë.
Sepse vërtet i shohin vetëm në televizor. Ore do të luftosh me kundërshtarin në këtë situatë, do luftosh centimetër për centimetër, metër për metër, fshat për fshat, lagje për lagje. Do t'i vesh atje, do ta markosh, do ta dublosh. Çdo këmbë do të rrish atje.
Ti duhet të shkosh. E merr s'e merr mandatin ti, e mas s'e merr o burrë. Por ti shkon atje, dhe ata njerëz kanë parë, kanë prekur me dorë, kanë dhënë dorën, kanë pirë një kafe. T'ia japin ata atë...
Në qoftë se ti shkon cep më cep, centimetër në centimetër, po të jesh atje, ajo sakrificë, nuk bëhet kështu me qejf.
E kupton pse s'shkon ai? Sepse ai nuk shkon se mandati i tij nuk buron nga ata. Është e qartë. Në këtë moment që ti e ke marrë këtë mandatin kështu, të paktën fillo dhe bëj këtë gjënë tjetër, që njerëzit ta kenë si detyrim që kur shohin që ti je në hall, vijnë vetë ata.
Se e dinë që ti do t'i prish atje.
Po në qoftë se ti e lë atë kryetarin e bashkisë vetëm atje, e marrin zvarrë policët. Tani ai shkreti dhe kur shkoj në Memaliaj, do ta shohin, a po ti shpata i thonë, se ishte i mirë këtu, pse s'deshe atje s'më more përpara. Të mbarojmë se shumë...
Si e shoh këtë moment sot dhe pse e shoh ditën e sotme ndryshe nga ditët e tjera. Sepse motivi që ishte sot, është motiv që i prek direkt banorët. Unë i kam parë banorët e Divjakës të protestojnë për muaj me rradhë. Ata të Poliçanit, po socialistë janë.
Po kanë dalë atje, dogjën teserat. I dhëmbi Ramës. E sulmuan atë kryetarin e bashkisë. Se nuk ishin mësuar ata që t'i digjin teserat e partisë. Dhe kryetari i bashkisë s'guxoi i tha t'i afrohej, hajdeni prapë këtu. Nuk e ka kryetari, e kanë banorët. Dhe ti duhet ta shfrytëzosh.
Shyqyr që dhe kundërshtari yt dhe kundërshtarët e tu bashkohen te kjo kauzë. Kjo është kauzë që t'i bashkon dhe socialistët, dhe demokratët, dhe legalistët dhe ballistët. Sepse po jua heq. Ne e pamë se çfarë ndodhi me komunat. Në reformën e parë hoqën 380 komuna, shkatërruan komplet 70% të territorit. Çdo komunë mbante minimumi atje nga 50 deri në 100 familje që rrinin me rroga...
Tani, duke i hequr sot bashkitë e vogla, ti po i shpërbën ata. Përralla pastaj që thotë Mazniku që do të ofrojë shërbime, ne e shohim, çfarë shërbimi ofron sot bashkia më e madhe e vendit e Tiranës për fshatarët e Shëngjergjit? Zero! Zero shërbim. Çfarë ofron për Shëmërinë? Zero, zero shërbim.’, u shpreh gazetari Artan Hoxha në SYRI TV.
