Tony Blair ka bërë thirrje që Britania të angazhohet për t'u rikthyer në Bashkimin Evropian brenda dekadës së ardhshme...
POLITIKE
Vlora Hyseni s’ka besim te drejtësia shqiptare: Telefonin ekzaminojeni jashtë vendit
PiranjatPërditësimi i fundit 24 Shtator 2026, 21:45
Ish-shefja e SHISH Vlora Hyseni, nuk ka besim te drejtësia shqiptare. Një gjë të tillë e njoftoi gazetarja Anila Hoxha në Top Story kur tha se Hyseni i ka kërkuar SPAK që telefonin që iu sekuestrua ta ekzaminojnë agjencitë partnere.
Hoxha tha se seanca e sotme në GJKKO zgjati rreth 1 orë e 30 minuta dhe se Hyseni ka mohuar akuzat, ndërsa ka kërkuar që telefoni i saj të ekzaminohet nga agjenci partnere jashtë Shqipërisë. Gazetarja solli gjithashtu detaje nga deklarimet e të dyshuarve të tjerë dhe momentet pas përfundimit të seancës, kur Hyseni u largua në heshtje nga ambientet e SPAK.
“Hyseni ka hedhur poshtë akuzat, ka kërkuar ekspertim të telefonit, që nuk duhet të kryhet në Shqipëri, por nga agjencitë partnere. Kjo kërkesë duket e pabazuar, përsa ekspertimet e kërkuara prej saj bëhen në laboratorin e ndërtuar enkas në këtë prokurori të posaçme. Se përse e ka kërkuar këtë, e di vetëm Hyseni. Ka qenë i sekuestruar telefoni, sa kohë ka kërkuar që të këqyret jo nga Shqipëria. Ka pretenduar se nuk ka dalë asnjë dokument i klasifikuar prej saj si drejtoreshë e SHISH. Vetëm këto dy deklarata më janë konfirmuar”, tha Hoxha.
Drejtoresha e Shërbimit Informativ Shtetëror, Vlora Hyseni u pezullua nga detyra dhe u vendos nën masën e “arrestit shtëpiak” të martën, kjo pasi SPAK e ka akuzuar se ka nxjerrë sekretet shtetërore dhe ka ndihmuar personin e arratisur, Ergys Agasi (arrestuar në fundin e gushtit), I lidhur me aferën e AKSHI-t.
