Ato që ishin planifikuar si pushime familjare për vëlla e motër, bashkë me partnerët e tyre, shqiptarë që jetonin në...
POLITIKE
“Vlorën dhe Agasin t’i sollën me zor në zyrë?”/ Aktivisti thirrje Ramës: Ik edhe për Zahon!
PiranjatPërditësimi i fundit 27 Shtator 2026, 20:27
Aktivisti Erald Ndoj ka reaguar ndaj video- mesazhit të publikuar sot nga kryeministri Edi Rama, lidhur me zhvillimet rreth skandalit të SHISH-it dhe Vlora Hysenit. Ndoj kritikoi qëndrimin e Ramës, duke deklaruar se ai duhej të merrte përgjegjësi për situatën.
Ndoj iu drejtua drejtpërdrejt kryeministrit, duke thënë se në vend ka qytetarë të dëshpëruar dhe se këshilltarët e tij duhet t’ia përcjellin këtë realitet, ndërsa shtoi se protesta do të vijojë dhe se numri i pjesëmarrësve, sipas tij, do të rritet.
Në vijim, ai i bëri thirrje Ramës të largohet nga posti, duke e lidhur këtë edhe me të ardhmen e brezit të ri.
“Ne prisnim të merrte përgjegjësi ai përdori sot gjuhë agresive. Ne i themi: Nuk e tredh dot sheshin, ne e kemi vrarë frikën. Çdo shqiptar që është këtu është ai që e ka vrarë frikën sepse ka kuptuar që ti je i shitur, ndaj i bëj thirrje studentëve të na bashkohen. Ne po luftojmë edhe për ata. Kryeministër, ka njerëz të dëshpëruar Shqipëria, ata këshilltarët që hanë bukë kot duhet të të thonë që këtu ka ëndrra të thyera.
Të siguroj që vetëm do të shtohemi me gjithë peripecitë që ke nëpër këmbë. Nuk kemi shtet, si s’dole të thoje një fjalë që mban përgjegjësi. Ta solli dikush me dhunë Vlora Hysenin në zyrë? Po Agasin? Nëse ta kanë sjellë me dhunë na thuaj të bëj=më me faj tjetrin. Piktor i dështuar largohu sa më parë, edhe Zaho jot do të ketë një Shqipëri më të mirë.
Shqipëria është drejt betejave të mëdha, duhet kontributi i të gjithë shqiptarëve kemi armiq shumë të fortë, shpresojmë në ndihmën e ambasadorit të ri amerikan”, tha ai.
