Inceneratori i Tiranës vijon të ekzistojë vetëm në letra dhe në faturat e buxhetit të shtetit, ndërsa qeveria ka parash...
POLITIKE
Protestat e studentëve/ 347 policë të lënduar, Demo: Disa javë sfiduese për punonjësit e policisë
PiranjatPërditësimi i fundit 30 October 2026, 16:28
Ministri i Brendshëm, Ervin Demo, ka bërë një bilanc të situatës së krijuar gjatë javëve të fundit në protestat e zhvilluara në vend, duke bërë të ditur se në total janë regjistruar 347 persona të lënduar.
Gjatë deklaratës së tij, Demo falënderoi punonjësit e Policisë së Shtetit për gatishmërinë dhe angazhimin gjatë protestave, ndërsa theksoi se intensiteti i akteve të dhunës ka qenë tepër i lartë. Ministri u shpreh se nuk dëshiron të bëjë dallime mes efektivëve të policisë, protestuesve apo kalimtarëve të lënduar, por nënvizoi se shifrat tregojnë përmasat e situatës së krijuar.
"Jemi këtu për të bërë një përmbledhje se çfarë ka ndodhur gjatë javëve të fundit përgjatë protestave që kanë ndodhur gjatë fundjavës. Dua të falënderoj punonjësit e Policisë së Shtetit për gatishmërinë, duke marrë parasysh edhe aktet e dhunës që kanë qenë shumë të larta. Me buxhetin e shtetit 2027, do të kemi një rritje të pagave, do të jetë një rritje e konsiderueshme, një prej më të lartave në histori, rritje prej 20 mijë lekësh të reja.
Javët e fundit kanë qenë shumë sfiduese për punonjësit e Policisë së Shtetit dhe me një bilanc tejet negativ sa u takon të lënduarve, në total janë 347 të lënduar.
Nuk do të doja që të bëja diferencim mes punonjësve të Policisë së Shtetit, protestuesve apo edhe kalimtarëve, por këto shifra tregojnë që intensiteti i dhunës ka qenë si asnjëherë më parë.”
