Protestat masive në Paris/ Sindikatat: Rreth 1.6 milionë njerëz në shesh! 

Dhjetëra mijëra protestues u mblodhën në sheshin “Nation” të Parisit të enjten në mbrëmje (5 nëntor), ndërsa një ditë e mbushur me protesta masive po shkonte drejt fundit.

Protestat mbarëkombëtare dhe greva e punonjësve të sektorit publik, të thirrura nga sindikatat, përfshirë konfederatën e majtë CGT dhe të mbështetura nga grupet studentore, vijnë pas demonstratave kundër rritjes së kostos së jetesës, përmirësimit të shërbimeve publike dhe reformave në arsim.

Këto protesta kanë shkaktuar trazirat më të rënda civile që Franca ka përjetuar prej vitesh. Sipas autoriteteve, në demonstratat e zhvilluara në të gjithë vendin morën pjesë rreth 600 mijë protestues, ndërsa sindikata CGT pretendon se numri i tyre arriti në 1.6 milionë.

 Trazirat zhvillohen vetëm pesë muaj përpara zgjedhjeve presidenciale, në të cilat kandidatja e së djathtës ekstreme, Marine Le Pen, mund të përballet në raundin e dytë me rivalin e së majtës radikale, Jean-Luc Mélenchon.

Presidenti francez Emmanuel Macron, i cili po përfundon mandatin e tij të dytë dhe ka nivele të ulëta të popullaritetit, nuk mund të kandidojë për një mandat të tretë. /PiranjatNews/