Juventusi humbi 2-0 në Genova dhe pronarët do të marrin një vendim. Humbja largoi dyshimet e fundit mbi atë çfarë ësh...
BOTA
Pse qeveritë në të gjithë botën po u thonë qytetarëve të përgatiten për situata emergjence?
PiranjatPërditësimi i fundit 29 October 2026, 11:30
Qeveritë e disa vendeve evropiane dhe aziatike po u bëjnë thirrje qytetarëve të jenë të përgatitur për situata emergjente, të cilat mund të shkaktohen nga lufta, sulmet kibernetike, ndërprerjet e energjisë elektrike apo fatkeqësitë natyrore.
Sipas udhëzimeve të publikuara nga autoritetet përkatëse, rekomandimet ndryshojnë nga një vend në tjetrin. Në Mbretërinë e Bashkuar këshillohet përgatitja për të paktën tri ditë, ndërsa në Gjermani rekomandohen rezerva për deri në dhjetë ditë. Suedia dhe Norvegjia këshillojnë qytetarët të jenë në gjendje të përballojnë nevojat bazë për rreth një javë. Edhe Tajvani ka publikuar udhëzime të ngjashme.
Ndërkohë, Bashkimi Evropian ka theksuar rëndësinë e gatishmërisë së familjeve për të përballuar të paktën 72 orë pa shërbime thelbësore gjatë një krize.
Britania e Madhe u kërkon qytetarëve të përgatiten për 72 orë -Qeveria nisi fushatën “Be Ready”, duke këshilluar familjet të mbajnë ushqime, ujë dhe mjete bazë për emergjenca. Përmenden sulmet kibernetike, moti ekstrem dhe kërcënimet ndaj infrastrukturës.
Gjermania deri në 10 ditë- Zyra Federale Gjermane për Mbrojtjen Civile (BBK) rekomandon rezerva ushqimore dhe pijesh për 10 ditë, për situata si përmbytjet, moti i rëndë ose ndërprerjet e energjisë
Suedia deri në 1 javë- Udhëzimet suedeze rekomandojnë që familjet të jenë në gjendje të përballojnë vetë nevojat bazë për të paktën një javë gjatë një krize. Broshura trajton edhe skenarë lufte
Norvegjia deri në 1 javë- Drejtoria Norvegjeze për Mbrojtjen Civile e rriti në vitin 2024 rekomandimin nga të paktën 3 ditë në një javë.
Evropa Veriore dhe Lindore forcojnë mbrojtjen civile – Shtetet si Finlanda, Suedia, Polonia dhe vendet baltike po forcojnë strehimoret, planet e evakuimit dhe përgatitjen e popullsisë, duke marrë parasysh rrezikun e konfliktit dhe kërcënimet nga Rusia.
BE-ja po përgatitet për sulme hibride– Institucionet evropiane po diskutojnë koordinimin e përgjigjeve ndaj sabotimeve, sulmeve kibernetike dhe ndërhyrjeve informative. Kjo pasqyron shqetësime reale të sigurisë, por nuk është njoftim se një luftë e përgjithshme do të fillojë së shpejti.
