Shoqata e futbollistëve zgjedh formacionin e vitit, “Topi i Artë” mbetet jashtë

Shoqata e futbollistëve profesionistë ka përzgjedhur formacionin më të mirë të vitit. Surpriza më e madhe është mungesa e Herri Kejn, i cili pavarësisht fitimit të Topit të Artë, nuk arriti të bindë kolegët për një vend në formacionin ideal. Ndërkaq, Lionel Messi rikthehet në këtë skuadër pas tre vitesh, duke regjistruar përzgjedhjen e 18-të në karrierën e tij,  duke vendosur një rekord historik.

Futbollistët profesionistë kanë zgjedhur më të mirët e vitit 2026. Formacioni ideal është përcaktuar nga votat e 26.317 futbollistëve profesionistë nga 75 vende të botës, duke mbetur një prej vlerësimeve më të veçanta në futboll, pasi vendoset nga vetë sportistët.

Lionel Messi është rikthyer pas mungesës në dy edicionet e fundit, duke e çuar në 18 numrin e përzgjedhjeve në formacionin më të mirë të vitit. Argjentinasi, i cili për herë të parë u përfshi në këtë skuadër në vitin 2007, vazhdon të jetë futbollisti me më shumë paraqitje në historinë e çmimit.

Në sulm, ai shoqërohet nga Erling Haaland, Kylian Mbappe dhe Lamine Yamal. Talenti spanjoll bëhet lojtari i parë që përzgjidhet dy herë në formacionin ideal te futbollistëve përpara se të mbushë 20 vjeç.

Në portë është përzgjedhur David Raya, ndërsa mbrojtja përbëhet nga Pau Cubarsi, Achraf Hakimi dhe Nuno Mendes. Sakaq, mesfusha plotësohet nga Bellingham, Rodri dhe Vitinja.

Por, përzgjedhja e këtij viti sjell edhe një mungesë të madhe. Herri Kejn, fituesi i Topit të Artë dhe një prej sulmuesve më të spikatur të sezonit, nuk është përfshirë në formacionin ideal. Anglezi ishte pjesë e listës së 26 kandidatëve, por nuk mori votat e mjaftueshme për të siguruar një vend mes më të mirëve. Kane përfundoi me 27.6% të votave në kategorinë e sulmuesve, pas Haaland, Mbappe, Messit dhe Yamal.

Mungesa e tij është historike, pasi për herë të parë që nga krijimi i shoqatës në vitin 2005, fituesi i Topit të Artë nuk përfshihet në formacionin e vitit.

Jashtë skuadrës mbetet gjithashtu Cristiano Ronaldo, i cili ishte pjesë e listës së kandidatëve, por nuk arriti të fitonte votat e nevojshme. Michael Olise, Khvicha Kvaratskhelia, Virgil van Dijk, Ëilliam Saliba dhe Gabriel janë gjithashtu disa nga emrat që nuk u përfshinë në 11-shen përfundimtare.