Përmendi surrogacinë dhe birësimin për tu bërë nënë/ Selena Gomez tregon planet e së ardhmes për të pasur një fëmijë

Selena Gomez prej vitesh ka qenë në qendër të opinionit publik në lidhje me deklaratat e saj për dëshirën për tu bërë nënë. Gjatë vitit 2024 ajo tregoi se për shkak të disa problemeve shëndetësore nuk mund ta mbajë një shtatëzëni pasi që mund të përbënte rrezik si për të, ashtu edhe për foshnjën.

Pas kësaj këngëtarja përmendi surrogacinë dhe birësimin si dy nga mundësitë që kishte konsideruar për të realizuar dëshirën e saj për tu bërë nënë duke u detyruar të pranonte se rruga drejt mëmësisë do të ishte ndryshe nga çfarë kishte imagjinuar.

Por së fundmi gjatë pjesëmarrjes së saj në “Fast Company Innovation Festival” në New York ajo pohoi se mënyra se si do të bëhet nënë nuk është ajo që ka rëndësi për të duke treguar për ndjekësit se pavarësisht sfidave ëndrra për një fëmijë mbetet një pjesë e rëndësishme e planeve të saj personale.