Tenderi 50 milionë euro për mirëmbajtjen e akseve rrugore kombëtare është është shndërruar në një skandal...
LIFESTYLE
“The Beast In Me”, thrillerin i ri, i cili po cilësohet si një nga serialet më të mirë të viteve të fundit
PiranjatPërditësimi i fundit 19 Nëntor 2025, 12:21
Seriali i ri i Netflix, The Beast In Me, po fiton popullaritet të madh dhe shikuesit e kanë quajtur “serialin më të mirë që kanë parë prej kohësh”.
Thrilleri me ritëm të shpejtë dhe atmosferë të errët po kryeson listat globale falë historisë së tij intensive që rrotullohet rreth një marrëdhënieje toksike. Në qendër të ngjarjes është Aggie Wiggs, e luajtur nga Claire Danes, e cila lidhet me Nile Jarvis (Matthew Rhys), një burrë i akuzuar dikur për vrasje, një obsesion që shndërrohet në rrezik. Seriali ngre pyetjen: “Kur ndjek përbindëshin, çfarë bëhesh vetë?”.
Pavarësisht se është publikuar prej më pak se një jave, ai ka marrë vlerësime të larta: 7.5/10 në IMDb dhe 83% në Rotten Tomatoes. Brittany Snow dhe Natalie Morales plotësojnë kastin e serialit psikologjik amerikan, shkruan DailyMail. Kritikët dhe shikuesit kanë dhënë komente shumë pozitive, duke e përshkruar si “shikim të pandërprerë”, “thriller inteligjent”, me aktrim të shkëlqyer dhe kimi të fortë mes aktorëve kryesorë.
The Guardian e quajti “thriller të tensionuar të nivelit të lartë”, ndërsa Vanity Fair e përshkroi si “një lojë elegante maceje me miun”. Claire Danes, në një intervistë me Netflix, tregoi se sfida më e madhe e rolit ishte paraqitja e një gruaje të mbyllur në vetvete dhe të paralizuar nga dhimbja. Regjisori Antonio Campos, sipas saj, ndihmoi në sjelljen e këtij tensioni në ekran.
Ndërkohë, fansat tashmë po kërkojnë një sezon të dytë, pavarësisht se seriali është konceptuar fillimisht si i limituar.
