Kadri Veseli është dënuar me 18 vjet burgim nga Dhomat e Specializuara në Hagë.
Trupi gjykues e shpalli Veselin fajtor për krim...
LIFESTYLE
"75 Kostume, 1 Mision” – Ja si po rikthen influencerja në jetë trashëgiminë shqiptare
PiranjatPërditësimi i fundit 19 Nëntor 2025, 11:26
Në një kohë kur shumë të rinj e shohin rrjetin social thjesht si një mënyrë për t’u bërë të njohur, një vajzë e re ka zgjedhur ta përdorë atë për një qëllim shumë më të thellë: ruajtjen dhe promovimin e trashëgimisë kulturore shqiptare. Eralda Baze ka dokumentuar dhe prezantuar deri tani 75 kostume tradicionale, duke rikthyer në vëmendje thesare të harruara të etnografisë shqiptare.
Ajo tregon se gjithçka nisi si një pasion i vogël mes miqsh, pa ndonjë organizim formal. Me kalimin e kohës, kjo pasion u transformua në një detyrim qytetar dhe një mision për të shpërndarë vlerat e veshjeve tradicionale, veçanërisht kostumet e nusërisë shqiptare.
Projekti i saj përfshin të gjitha trevat shqiptare, brenda dhe jashtë kufijve zyrtarë të Shqipërisë, duke përqendruar vëmendjen te ato pjesë të kulturës që historikisht nuk janë ekspozuar jashtë vendit. Një nga kostumet që Eralda ka promovuar së fundmi është ai i Hasit, nga komuna e Prizrenit, i cili tregon edhe përdorime praktike historike, si ruajtja e ujit nga gratë në zonën me mungesë uji.
Por puna e saj shkon përtej ekspozimit vizual. Çdo kostum shoqërohet me historinë e tij, kontekstin social dhe ndikimin e figurave historike mbi fatin e komuniteteve. Eralda nuk e sheh veten thjesht si modele, por si një rrëfimtare që sjell historitë e fshehura pas çdo qëndisme dhe simbole të veshjeve.
Qëllimi i saj është që brezi i ri të dashurohet sërish me traditat shqiptare, duke kthyer kostumet nga objekte muzeale në histori të gjalla që lidhen me kulturën dhe jetën e përditshme të popullit.
