Kryebashkiaku socialist i Libohovës, Leonard Hide, i cili u pozicionua në korrik të këtij viti kundër reformës territoriale, duk...
SPORT
“E kam parë Messin të qajë vetëm dy herë”/ Biglia flet për yllin argjentinas
PiranjatPërditësimi i fundit 8 Tetor 2026, 08:32
Lionel Messi i dha lamtumirën kombëtares së Argjentinës në një mbrëmje emocionuese në stadiumin “Monumental”, përballë më shumë se 85 mijë tifozëve.
Pas 208 ndeshjesh me “Albiceleste”, kapiteni argjentinas mbylli një kapitull historik të karrierës së tij.
Në fjalimin e fundit si kapiten i Argjentinës, Messi nuk i fshehu emocionet.
“Përjetoj shumë emocione. Natyrisht, gjëja e parë që më vjen në mendje është babai im”, u shpreh Messi, duke nisur fjalimin e tij të fundit përpara tifozëve argjentinas.
Mesazhet për yllin argjentinas kanë ardhur nga e gjithë bota e futbollit. Ish-shokë skuadre, futbollistë me të cilët ka ndarë fushën dhe figura të shumta të sportit kanë nderuar karrierën e tij me kombëtaren.
Në mesin e tyre ishte edhe ish-mesfushori i Lazios dhe Milanit, Lucas Biglia, i cili ka qenë për shumë vite shok skuadre me Messin te Argjentina.
Në një prononcim për Sky Sport, Biglia foli me emocione për momentin e lamtumirës.
“Messi është një pjesë e jona. Unë e kam parë të qajë vetëm dy herë. Tani po rikthehet me mendje te gjithçka që ka bërë në jetën e tij.
Një herë tjetër ishte pas finales së Botërorit 2014, ndërsa vitin pasues humbëm një tjetër finale, atë të Copa América ndaj Kilit, dhe ai kishte deklaruar se nuk donte të luante më me kombëtaren”, kujtoi Biglia.
Ish-mesfushori argjentinas theksoi se trashëgimia e Messit shkon përtej golave, trofeve dhe magjive në fushën e futbollit.
“Gjëja më e bukur është se ai na mësoi më shumë se çdo gjë tjetër të mos dorëzohemi.
Vlerat që Leo Messi ka përcjellë shkojnë përtej asaj që na ka treguar në një fushë futbolli. Ai i ka mësuar një populli të tërë të mos dorëzohet”, përfundoi Biglia.
