Largimi i papritur i Cuestas nga Parma, Gilardino merr drejtimin e skuadrës

Lëvizje e papritur te Parma në Serie A. Carlos Cuesta është larguar nga posti i trajnerit, ndërsa klubi italian ka arritur marrëveshjen me Alberto Gilardinon për ta zëvendësuar.

Arsyet e largimit të Cuestas nuk janë bërë të ditura. Ndërkohë, Gilardino pritet të nënshkruajë kontratë deri në qershor të vitit 2027, me opsion rinovimi.

Trajneri italian do të ndërpresë kontratën me Pisën për t’iu bashkuar Parmës. Për Gilardinon bëhet fjalë për një rikthim te klubi ku ka luajtur më herët dhe ka shënuar 56 gola.

Seanca e parë stërvitore e Gilardinos pritet të zhvillohet të martën, ndërsa gjatë pauzës së kombëtareve ai do të përgatisë ekipin për sfidën e radhës ndaj Interit në “San Siro”.

Përpara marrëveshjes me Gilardinon, në listën e kandidatëve për stolin e Parmës ishin edhe Roberto D’Aversa dhe Paolo Zanetti.