Sërish debate në Gjykatën e Posaçme për çështjen e bojkotit të avokatëve. Në seancën për Ilir M...
POLITIKE
Transferimi i Veliajt në burgun e Fierit, avokati Ndreca: Disa deputetë të PS më telefonuan të shqetësuar, në mbledhje nuk foli vetëm Çuçi
PiranjatPërditësimi i fundit 29 October 2026, 18:17
Drejtoria e Përgjithshme e Burgjeve ka ndryshuar institucionin e vuajtjes së paraburgimit për kryebashkiakun e Tiranës, Erion Veliaj, i cili është transferuar nga IEVP Durrës në IEVP Fier.
Ky zhvillim shkaktoi reagime të shumta, teksa avokati i tij, Plarent Ndreca ka treguare dhe mbi prapaskenat në PS në lidhje me këtë vendim të marrë.
Ai ka treguar se ka pasur deputetë të tjerë të PS që kanë kërkuar informacione për Veliajn.
"Situasta nuk u duket normale. Dhe besoj se kjo është shprehur edhe sot në mbledhjen e grupit socialist, sepse nuk është vetëm z.Çuçi që e ka shprehur këtë, ai ndoshta ka qenë më i zëshmi. Flas sipas informacionit që kam, sepse as unë nuk kam qenë prezent. Kanë qenë edhe anëtarë të tjerë të grupit parlamentar që e kanë mbështetur në këtë pikë. Gjithashtu më kanë telefonuar më shumë se 7-8 kolegë shumë të shqetësuar, në gjendje mërzie përse ndodh kjo gjë dhe përse shkohet në këtë pikë. Sepse jemi të gjithë bashkë, një grup, dhe kjo është gjithë absurdi i kësaj historie. Kur i bëhet kryetarit të bashkisë në detyrë, çfarë mund t’i bëhet një qytetari tjetër që ndoshta nuk e ka këtë vizualitet publik? Standardi është i njëjtë për çdo qytetar të Shqipërisë dhe nuk po kërkojmë privilegj për shkak të detyrës. Po kërkojmë t’i mundësojmë detyrën, duke e mbajtur afër. Ti bëhet e mundur ushtrimi i detyrës, sepse është detyrim kushtetues. Është e drejtë që e ka çdo i paraburgosur, jo vetëm z.Veliaj. Aktualisht jemi në terr të plotë informativ. Që dje në 4 të pasdites kam dërguar e-mail zyrtar dhe nuk kam ende asnjë përgjigje.
