U arrestua pasi refuzoi gjobën/ Goxhaj: Janë të paligjshme, nuk e arsyetuan

 Aktivisti Dritan Goxhaj tha pas daljes nga komisariati se është gjobitur në mënyrë të paligjshme, pasi kanë bërë një njoftim lidhur me protestën. Duke folur për mediat, ai hodhi akuza drejt policisë duke i quajtur “mercenarë”, ndërsa nuk munguan as akuzat dhe etiketimet për kryeministrin Rama, duke iu referuar si si bandë.

“Është një kundravajtje administrative dhe policia arreston njerëzit për kundravavajtje administrative, është e paligjshme.

U vë gjobë për tubim të paligjshëm, tubimi është i lajmëruar që është pa afat deri në dorëheqjen e kryeministrit dhe qeverisë, te kryeministria, ishim brenda orarit të përcaktuar në këtë leje, në vendin ku është përcaktuar leja dhe policia ndalon njerëzit në bulevard dhe u kërkon dokumentacionin. 

Është totalisht e paligjshme ta kërkosh këtë. Na komunikuan gjobën, as firmosëm, as pranuam ta marrim. Nuk arsyetuan asgjë. Kanë marrë një urdhër, është një polici tërësisht mercenare në shërbim të një banditi që është Ed Rama, si bandë. Jemi në kushtet e një banditizmi të hapur qeveritar.

Policia është thjesht mercenare e një banditi që pretendon se është kryeministër i një vendi”, tha Goxhaj.