Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
“Jalta e re” zgjati 80 minuta/ Fituesit dhe humbësit e takimit historik mes Xi, Trump dhe Putin Skandali në Postën e Durrësit/ Jo vetëm pensionet, dyshohet se u vodhën edhe pagesat e qytetarëve për Kadas... Pse kryeministri kanadez shkoi në Kinë dhe nuk mori pjesë në bisedimet e sotme për Ukrainën? Haaland i jashtëzakonshëm, arrin 68 gola sa Mbappe por me 47 ndeshje me pak Arrestohet në Shkodër 45-vjeçari i shpallur në kërkim nga Italia, pritet ekstradimi “Lulet vyshken, por dashuria mbetet gjithmonë”, Brikena Selmanaj merr dhuratën e veçantë, mesazhi i saj ngr... Rënie historike e euros, monedha europiane zbret nën 90 lekë për herë të parë U gjet në trupin e një viktime të Titanikut, ora pritet të shitet për një shumë marramendëse Kandidati i Listës Studentore zgjidhet kryetar i Kuvendit të Serbisë Kurti: Drafti i parë i Ligjit për Specialen dorëzohet javën e ardhshme nga grupi i ekspertëve Buxheti 2027/ Tedi Blushi: Antisocial dhe mashtrues, pensionistëve u duhet një shekull për të arritur pensi... Shtrenjtim deri në 4-fish! ERRU miraton çmimet e reja të ujit sipas fashave, preken familjarë dhe biznese
BOTA

VIDEO/ Hi mbi kokë komisionerit të BE-së për Shëndetësinë në Bruksel, aktivistët: Hiri i njerëzve që do të vdesin nga...

Një incident i pazakontë ka ndodhur në Bruksel, ku dy aktivistë kanë hedhur një substancë gri, që ngjante me hirin, mbi komisionerin europian për Shëndetësinë, Olivér Várhelyi.

P
Piranjat19 November 2026, 18:03 · 3 min lexim
VIDEO/ Hi mbi kokë komisionerit të BE-së për

Një incident i pazakontë ka ndodhur në Bruksel, ku dy aktivistë kanë hedhur një substancë gri, që ngjante me hirin, mbi komisionerin europian për Shëndetësinë, Olivér Várhelyi.

 Ngjarja ndodhi teksa zyrtari europian po përgatitej të mbante një fjalim në një samit për luftën kundër kancerit. Dy protestuesit u ngjitën në skenë dhe hodhën mbi të substancën pluhur, duke ndërprerë aktivitetin.

Sipas mediave të huaja, aktivistët i përkasin organizatës franceze “Cancer Colère”, e cila përbëhet nga persona të prekur nga kanceri dhe të mbijetuar të kësaj sëmundjeje.

“Jam paciente me kancer dhe po protestoj kundër ligjit Omnibus”, deklaroi njëra prej aktivisteve.

Ndërsa protestuesja tjetër iu drejtua komisionerit me fjalët: “Këto janë hiri i njerëzve që ju do të vrisni me pesticide”.

Protesta lidhet me propozimet e reja të Komisionit Europian për ndryshimin e rregullave mbi autorizimin dhe përdorimin e pesticideve në Bashkimin Europian. Komisioni argumenton se ndryshimet synojnë të lehtësojnë procedurat për fermerët, por organizata të shumta mjedisore dhe shëndetësore kundërshtojnë nismën, duke ngritur shqetësime për pasojat e mundshme në shëndetin publik.

Pas incidentit, Várhelyi largoi pluhurin nga rrobat dhe vijoi fjalimin e tij.

“Çfarë lloj njerëzish jeni ju?”, reagoi ai, duke shtuar se ishte i habitur që në emër të viktimave të kancerit të shpërndahej hiri i njerëzve që kanë humbur jetën.

Në sallë reagoi edhe Elisabetta Zanon, drejtuese e Organizatës Europiane të Kancerit, e cila u shpreh: “Kjo e tejkalon gjithçka që mund të kishim imagjinuar. Kërkojmë ndjesë”.

Sipas raportimeve, më shumë se 2 mijë shkencëtarë kanë firmosur një letër ku kërkojnë pezullimin e propozimit deri në kryerjen e një vlerësimi të pavarur të ndikimit të tij.

Ndërkohë, më shumë se 300 organizata joqeveritare nga 25 vende europiane kanë paralajmëruar protesta kundër nismës më 24 nëntor, përpara Parlamentit Europian në Strasburg.

 

 

SHPËRNDAJE

Lexo edhe

BOTA

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.