"S’të vjen zor. Sa paguhesh”/ Aktivistja Lleshi kap 'mat' Zegjine Caushin: Turp që je bashkuar me qeveri kriminale

Një përplasje verbale ka ndodhur ditën e sotme jashtë zyrave të Kuvendit mes deputetes së PS-së Zegjine Caushi dhe aktivistes Arvina Lleshi. Në një video të postuar në rrjetet sociale, Lleshi i ka zënë pritë jashtë Caushit dhe i është drejtuar me thirrjen e protestuesve gjatë protestave qytetare. Sakaq, ajo është indinjuar duke i thënë se po ul figurën e një femre.

Debati

Arvina Lleshi: Përshëndetje Zegjine. E ke dëgjuar atë këngën: ‘Zegjine, Zegjine, 3 milionë jemi ne! Ti nuk di të numërosh, shko në shkoll që të mësosh!’.

Zegjine Çaushi: Po si nuk të vjen zor?!

Arvina Lleshi: Fare s’më vjen!

Zegjine Çaushi: Si s’ke turp?!

Arvina Lleshi: As nuk më vjen zor fare!

Zegjine Çaushi: Je femër moj! Një femër ndjek nga mbrapa një femër.

Arvina Lleshi: Nuk të ndoqa mbrapa, më dole para.

Zegjine Çaushi: Ke 20 sekonda që po pret.

Arvina Lleshi: Absolutisht jo!

Zegjine Çaushi: Turp të të vijë!

Arvina Lleshi: Turp të të vijë ty që je bashkuar me një qeveri kriminale. Turp të të vijë ty që nuk përfaqëson interesat e popullit.

Zegjine Çaushi: Moj, kë përfaqëson ti?!

Arvina Lleshi: Unë përfaqësoj vetëm veten time.

Zegjine Çaushi: Sa të paguajnë?

Arvina Lleshi: Askush nuk më paguan.

Zegjine Çaushi: Si s’të vjen zor moj?! Kap njerëzit rrugës.

Arvina Lleshi: Po të kap si deputete.

Zegjine Çaushi: Je femër dhe po ul figurën e një femre. Turp të të vijë!

Arvina Lleshi: Figurën e femrës e keni ulur ju që jeni përfaqësimi më i keq i një populli. Turp t’ju vijë.