Një alarm për bombë është ngritur gjatë mbledhjes së prokurorëve, pas mbërritjes së një emaili kërc&...
AKTUALITET
Tritoli në Kamëz, babë e bir nuk rezultojnë persona problematikë! Çfarë deklaruan para hetuesve
PiranjatPërditësimi i fundit 9 Tetor 2026, 11:07
Zbardhen detaje në lidhje me ngjarjen e ndodhur në orët e para të mëngjesit të së premtes, 9 Tetor, ku një sasi lënde plasëse u vendos në murin rrethues të banesës në pronësi 55-vjeçarit Xhelal Kurti në lagjen Nr.1 në Bathore në Kamëz.
55-vjeçari dhe djali i tij nuk rezultojnë persona problematikë apo me precedentë penalë, ndërsa në dëshmitë e tyre kanë deklaruar se nuk kanë dijeni se kush mund të jenë autorët e ngjarjes.
Sipas burimeve, djali i 55-vjeçarit merret me biznesin e montimit të kamerave të sigurisë. Ky aktivitet po verifikohet për të përcaktuar nëse ka pasur ndonjë konflikt të mëparshëm që mund të lidhet me shpërthimin.
Ngjarja ndodhi rreth orës 05:05. Nga shpërthimi u shkaktuan dëme në murin rrethues dhe në një automjet të parkuar, në pronësi të djalit të 55-vjeçarit. Deri më tani, motivi i shpërthimit mbetet i paqartë, ndërsa hetimet vijojnë për zbardhjen e plotë të ngjarjes.
Njoftimi i policise:
Më datë 09.10.2026, rreth orës 05:05, në lagjen Nr. 1, Bathore, është vendosur në murin rrethues të banesës së shtetasit Xh. K., rreth 55 vjeç, një sasi lënde e dyshuar plasëse, e cila ka shpërthyer.
Si pasojë, janë shkaktuar vetëm dëme materiale në murin rrethues të banesës dhe në një automjet të parkuar pranë derës së saj, në pronësi të djalit të 55-vjeçarit.
