A duhet të kemi frikë nga një sulm rus? Shefi i NATO-s kritikon evropianët: Ne jemi 500 mln njerëz, ata 140

Sekretari i Përgjithshëm i NATO-s, Mark Rutte, dje, 30 shtator, minimizoi kërcënimet e Rusisë për përdorimin e armëve bërthamore gjatë një samiti për sigurinë të zhvilluar në Bruksel, ndërsa shprehu keqardhje për faktin që evropianët vazhdojnë të mbështeten te amerikanët për mbrojtjen e tyre.
“Është e tmerrshme që 500 milionë njerëz (Europa) duhet t’i kërkojnë një vendi me 300 milionë banorë (SHBA) t’i mbrojë nga një vend me 140 milionë banorë (Rusia)”, deklaroi ish-kryeministri holandez, i cili shpesh është kritikuar për qëndrimin e tij tejet të kujdesshëm në komunikimin me presidentin amerikan Donald Trump.
Rusia i ka dërguar një paralajmërim NATO-s pas stërvitjeve ushtarake të zhvilluara nga aleatët pranë enklavës ruse të Kaliningradit.
Moska ka paralajmëruar se mund të përdorë armë bërthamore nëse Aleanca do të përpiqej ta izolonte rajonin përmes sulmeve ndaj qendrave vendimmarrëse të vendeve anëtare të NATO-s.Rutte është përpjekur ta ulë tensionin, duke mbajtur një qëndrim të vendosur.
“Nuk ekziston një kërcënim i menjëhershëm ndaj territorit të NATO-s”, deklaroi ai. “Nëse do të ketë një forcim të pranisë ruse, ne do ta shohim dhe do të përballemi me çdo situatë. NATO është shumë më e fortë se Rusia, ndaj është e pamundur që Rusia të na mposhtë.”
Lexo edhe
BOTA
16 muaj në burgjet e Putinit/ Evan Gershkovich rrëfen çfarë përjetoi

Serbia drejt një gare të polarizuar, zgjedhjet e 25 tetorit kthehen në ‘referendum

Polonia mban të mbyllura kufijtë, zgjaten kontrollet me Gjermaninë dhe Lituaninë

Kaosi dhe përleshjet pushtojnë Francën! Përshkallëzojnë protestat e të rinjve, qindra të arrestuar

Rusia paralajmëron përshkallëzim të luftës: Vendosja e armëve bërthamore pranë nesh nuk sjell siguri

Kriza e emigrantëve në Ceuta, Greqia propozon pezullimin e kërkesave për azil në raste emergjence

Policia finlandeze heton ndërhyrjet e dyshuara në shtëpitë e anëtarëve të parlamentit

"Ne u dhamë britanikëve informacion se do të kishte një sulm nga Irani"/ Netanyahu: Ata vendosën sanksione ndaj nesh





