Krimi horror/ Pedagogia ‘Satana’ copëtoi trupin e 39-vjeçarit. Nga aroma e portokallit te telefonatat me ish-partneren, detaje nga ngjarja

Është Nicole Formichetti, 46 vjeçe, pedagogia që jetonte në apartamentin në rrugën “Tommaso Gulli” në Torino të Italisë, ajo që Cristian Matheus De Oliveira Morando e ka përmendur si personin që mori situatën në dorë pas vdekjes së Fabio Colapietro, 39 vjeç.

I riu, i përgjuar teksa, i rrënuar emocionalisht, fliste me nënën dhe ish-partneren e tij, ka pretenduar se gruaja ishte “strategia e vërtetë” e orëve pas vrasjes në një nga krimet e tmerrshme që ka tronditur vendin fqinj ditët e fundit.

“Drejtimi i veprimtarisë që u krye ishte nën kontrollin e pedagoges, të cilën e thërrisnim ‘Satanai’”, ka treguar ai. Sipas versionit të tij, ishte ajo që këmbënguli për të hequr qafe trupin, në mënyrë që gjithçka të kthehej në normalitet.

Pedagogia që e quanin “Satanai”

Sipas dëshmisë së Cristianit, ngjarja nisi mbrëmjen e 20 shtatorit në apartamentin në rrugën "Gulli", gjatë një feste ku u konsumuan drogë dhe alkool.

I riu ka treguar se [kishte sulmuar Colapietron], duke i shtrënguar krahun rreth qafës dhe duke e goditur në fytyrë me disa grushte.

“Hum­bi ndjenjat. Më kapi paniku dhe për dy orë u përpoqa ta reagoja”, ka rrëfyer ai.

Pas vdekjes, situata thuhet se u përkeqësua me shpejtësi. Cristian, Nicole Formichetti dhe 22-vjeçarja Keith Butig dyshohet se vazhduan të konsumonin substanca narkotike ndërsa trupi i viktimës ndodhej në banesë.

“Që të arrinim t’i bënim të gjitha, vazhduam të drogohemi”, ka treguar 26-vjeçari, cituar nga Tgcom.

Të tre dyshohet se blenë qese, zbardhues, shirit ngjitës dhe materiale të tjera, me qëllim pastrimin e apartamentit dhe fshehjen e trupit.

Cristian ka identifikuar pedagogen si personin që marri vendimet:

“Ajo ishte e vetmja nga të tre që kërkonte të gjente një mënyrë për të hequr qafe trupin dhe për t’u kthyer në një jetë normale”.

Fillimisht, sipas dëshmisë së tij, Formichetti dyshohet se kishte propozuar që trupi të hidhej në liqenin e Gardës, pasi të lidhej me zinxhirë.

Më pas, pas një diskutimi, dyshohet se u mor vendimi për ta copëtuar trupin.

Më tej, të tre dyshohet se shkuan në një dyqan materialesh ndërtimi, ku blenë, ndër të tjera, një hanxhar dhe një mjet për mprehje.

“Era e portokalleve” që i tregoi nënës

“Djali im më tha se kishte erë portokajsh, një metaforë për të më shpjeguar se kishte një kufomë në shtëpi”. Kjo është një nga deklaratat e nënës së të dyshuarit për vrasjen, e cituar në vendimin për masën e sigurisë të firmosur nga gjyqtari i hetimeve paraprake të Torinos, Antonio Borretta, për vrasjen e shpërndarësit të drogës Fabio Colapietro.

Nëna shpjegoi se kjo frazë kishte për djalin e saj një kuptim të saktë, të lidhur me zakonet e vendit të tij të origjinës: vendosjen e portokalleve në një legen me ujë për të përthithur erërat që çlirohen nga një person i vdekur.

I kapluar nga paniku dhe i terrorizuar nga ideja për të folur hapur në telefon, i riu u përpoq t’i bënte të kuptonte nënës së tij seriozitetin e asaj që kishte ndodhur brenda apartamentit, ku trupi i viktimës ndodhej prej ditësh i copëtuar në vaskën e banjës.

Keith Butig: “Kufomat mund të bëheshin dy”

Sipas dëshmisë së Cristianit, Keith Butig dyshohet se kishte një rol në fazën fillestare të copëtimit të trupit, por më pas kishte arritur të largohej nga apartamenti.

E reja ka deklaruar se ishte kërcënuar: “Thoshin se kufomat mund të bëheshin dy, unë vetëm bleva qeset”.

Megjithatë, dëshmitë e protagonistëve nuk përputhen plotësisht dhe kronologjia e ngjarjeve vijon të jetë objekt hetimi nga Prokuroria.

Në vendimin për masën e sigurisë, gjyqtari i hetimeve paraprake të Torinos, Antonio Borretta, ka vënë në dukje “lehtësinë” dhe “këmbënguljen” e sjelljeve për të cilat akuzohen të dyshuarit.

Sipas gjyqtarit, në atë situatë, shqetësimi i të dyshuarve ishte i përqendruar “si te heqja qafe e trupit, ashtu edhe te gjetja dhe konsumimi i drogës”.

Dëshmia e ish-partneres

Hetuesit morën në pyetje edhe ish-partneren e Morandos. “Matheus më bëri një videotelefonatë në WhatsApp, gjatë së cilës e pashë në një gjendje të rënduar konfuzioni”, thuhet në dëshminë e saj, të përfshirë në vendimin e gjyqtarit të hetimeve paraprake të Torinos, Antonio Borretta. “Nuk kuptohej mirë se çfarë po thoshte. Më fliste për çimento, duke thënë konkretisht se duhej të blinte çimento. Më pas, për një pjesë të sekondës, më tregoi disa doreza dhe shirit ngjitës”.

Videotelefonata daton të mërkurën, më 23 shtator.

“Ai ndodhej në një banesë që unë nuk e njoh. Nuk ishte në shoqërinë e askujt, ose të paktën kështu dukej nga videotelefonata. Kjo situatë më alarmoi disi”.

Blerja e çimentos

Të nesërmen, skenari u përsërit. “Më bëri një videotelefonatë rreth orës 18:00, ku dukej se ndodhej në një dyqan dhe pashë që po blinte çimento. Më tha se ishte për të ndihmuar një mik të tij, por më pas më tha: ‘Mos më bëj të mendoj për këtë, sepse më vjen për të vjellë’. Në atë moment u shqetësua sërish dhe e ndërpreu videotelefonatën, duke thënë se duhej të shkonte të paguante”.

Sipas dëshmisë së gruas, që të martën, më 22 shtator, Morando i kishte dërguar një mesazh zanor.

Ish-partnerja tregon se ai i kishte thënë se “ishte tepër vonë, sepse kishte ndodhur një dëm”, se ishte shumë i agjituar dhe shpresonte që situata të mund të rregullohej. Ai kishte shtuar se do të njoftonte policinë, por fillimisht duhej të stabilizonte situatën në të cilën ndodhej, pasi edhe ai vetë ishte në rrezik.

“Nuk doja të përfshihesha”

Të nesërmen, në orën 21:03, Morando e telefonoi sërish me video, por vetëm për pak sekonda, dhe i kërkoi të takoheshin atë mbrëmje. Pak më vonë, ai e njoftoi se do të dilte dhe se do të njoftonte edhe nënën. Ish-partnerja e takoi rreth orës 21:35 pranë një supermarketi. Më pas, të dy u drejtuan për në sheshin Rebaudengo, ku pak më vonë mbërriti edhe nëna.

“Ishte vetë Matheus ai që njoftoi nënën; ai donte të fliste me të dyja”. Ish-partnerja tregon se gjatë takimit 26-vjeçari ishte “shumë i paqartë”. “E kisha kuptuar se kishte ndodhur diçka e keqe, por në të njëjtën kohë nuk doja ta dija dhe e ndërprisja ndërsa fliste, duke i thënë të drejtohej te personat kompetentë, pasi nuk doja të përfshihesha në problemet e tij”. Ajo shton se, ndërsa fliste, “Matheus qante, ishte i dëshpëruar dhe ndodhej në një gjendje të fortë shoku”. /PiranjatNews