Çepani: Të rinjtë në parti angazhohen vetëm gjatë fushatave, më pas nuk kanë akses në vendimmarrje

Edlira Çepani ka folur për rolin e të rinjve në politikën shqiptare dhe mundësitë që partitë politike u krijojnë atyre për t'u përfshirë në vendimmarrje.

Çepani u shpreh se strukturat e të rinjve dhe të grave brenda partive politike aktivizohen kryesisht gjatë fushatave elektorale, ndërsa jashtë kësaj periudhe nuk kanë akses të mjaftueshëm në vendimmarrje, financat politike dhe në ushtrimin e një ndikimi real brenda partive.

Përplasja me Ramën, Bushati: Se çfarë raporti ka Veliaj me të vërtetën, duhet të jemi me 1000 pikëpyetje.

Ajo solli në vëmendje edhe eksperiencën e saj shumëvjeçare me partitë politike në Shqipëri dhe jashtë saj, duke evidentuar dallimin mes mënyrës se si ndërtohet karriera politike e të rinjve në vende të tjera dhe në Shqipëri.

Sipas Çepanit, ndërsa në vende të tjera të rinjtë arrijnë gradualisht të ngjisin shkallët e karrierës politike dhe të marrin pozicione drejtuese, në Shqipëri, pas disa vitesh kontribut, ata shpesh nuk janë më pjesë e partive dhe në pozicionet vendimmarrëse vendosen individë të tjerë.