Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
EMRI/ U ekzekutua në Spanjë, kush është 39-vjeçari shqiptar i vrarë me armë zjarri  PS i përgjigjet Veliajt për mbledhjen e Asamblesë: Merru me organet e drejtësisë, jo të partisë! Larje hesapesh/ Detaje të reja nga ekzekutimi i shqiptarit në Spanjë, autori ikën me skuter Aksident i rëndë në aksin Gjirokastër-Kakavijë, përplaset për vdekje 64-vjeçari Eurodeputeti gjerman, Michael Gahler: Qeveria teknike do t’u japë shpresë qytetarëve shqiptarë për zgjedhje... Vrasja e Ardian Nikulajt/ Nis gjyqi në Apel për portugezin Ruben Saraiva, kërkohet rrëzimi i burgimit të pë... Xhixho: Buxheti 2027 për Arsimin, prova se kjo qeveri nuk ka reflektuar ndaj protestës 'Nga Blloku luksoz te perandoria e kokainës në Britani'/ Si u pasuruan bandat shqiptare dhe si paratë e dro... Noizy në GJKKO: Edhe para dy muajsh më vunë eksploziv në një karton pice Viola Haxhiademi largohet nga drejtimi i KESH, ja kush emërohet Hetimet për “Albanian Files”, Lubonja: Janë formale, s’kam parë që të thirret Rama 80 miliardë dollarë në lojë! A rrezikon CEO i Nvidia-s divorcin më të shtrenjtë në histori pas tradhtisë nd...
INVESTIGIME

Nga mësuese filloreje në drejtoreshë gjimnazi/ Historia që na vjen nga Ishmi i Durrësit

P
Piranjat 2 October 2026, 21:36 · 8 min lexim
Nga mësuese filloreje në drejtoreshë gjimnazi/ Historia që

Jemi në shkollën e mesme të bashkuar të Ishmit, 40 km nga Tirana, dhe ky zotëri përballë nesh, që quhet Ramazan Xhixha, është mësues i lëndës së matematikës, me një kontribut prej 10 vitesh në të njëjtën shkollë. Ramazani tregon për “Piranjat” se në shkurt të këtij viti u hap gara për drejtues të institucionit arsimor.

Në këtë garë morën pjesë 4 kandidatë dhe u shpallën fitues vetëm dy prej tyre.

Sipas tij, ai mblodhi 3 pikë më shumë se kandidatët e tjerë.

Ky pretendim vërtetohet nga procesverbali i mbajtur nga drejtuesi dhe anëtarët e komisionit, ku Ramazan Xhixha rezulton i pari me 31.5 pikë, i ndjekur nga dy kolegët e tjerë me 29.18 pikë dhe kandidati i fundit 28.6 pikë.

Pas këtij vlerësimi të parë, hapi i radhës duhej të ishte intervista në DRAP Durrës, institucioni tjetër, për emërimin e drejtorit të ri.

Por këtu gjërat morën një rrjedhë të paparashikuar. Pasi drejtori i Drejtorisë Rajonale të Arsimit Parauniversitar Durrës vonohet për të realizuar intervistën, edhe pse, sipas rregullores, ky i fundit duhet të realizojë intervistën brenda 5 ditëve pune nga momenti i marrjes dijeni të të dy kandidatëve me më shumë pikë.

3 ditë pas intervistës, mësues Ramazani tregon se mori përgjigjen që ky i fundit është skualifikuar dhe shpalli fituese kandidaten tjetër, znj. Lindita Kërtusha.

Por këtu kemi një problem.Sepse zonja Kërtusha u shpall fituese në shkollën 9-vjeçare të Ishmit dhe jo në atë të mesme të bashkuar, në të cilën vendi ishte vakant. Të paktën kështu shkruhet në letra.

Një ngatërresë, me sa duket e qëllimshme, që është shoqëruar me shkelje të njëpasnjëshme.

Ndërkohë që formimi arsimor i zonjës është një histori më vete.

Sepse zonja Kërtusha është mësuese e arsimit fillor. Gjë që vërtetohet nga ky dokument i punonjësve të kësaj shkolle, ku zonja disponon master të arsimit fillor, në ndryshim nga Ramazan Xhixha, master shkencor për matematikë, mësues gjimnazi. Ndaj, në këto kushte, zoti Xhixha i drejtohet me një kërkesë zyrtare DRAP Durrës për arsyet e skualifikimit të tij. Dhe dy ditë më pas vjen edhe përgjigjja.

Shkresa, e cila mban datën 3.6.2036, thotë se kuadri ligjor në fuqi përcakton se vendimi përfundimtar për shpalljen fitues të kandidatit merret nga drejtori i DRAP Durrës, duke u bazuar në vlerësimin tërësor dhe, në mënyrë specifike, në intervistën me gojë.

Drejtori i DRAP ka të drejtë të plotë ligjore për të vlerësuar aftësitë komunikuese, vizionin menaxhues dhe përshtatshmërinë e kandidatëve me nevojat e institucionit arsimor, etj.

Në këtë intervistë, DRAP ka vlerësuar më së shumti znj. Lindita Kërtusha, e cila u shpall edhe fituese e garës për drejtor të kësaj shkolle.

Sipas DRAP, këtë të drejtë ligjore drejtuesit të këtij institucioni ia jep ligji në fuqi, ndaj u mor dhe ky vendim.

Qesharake në përgjigjen e DRAP Durrës është edhe përmendja e ligjit pa cituar asnjë ligj.

Por mësuesi kandidat, pavarësisht skualifikimit që iu bë, refuzon të heqë dorë dhe i drejton një shkresë Ministrisë së Arsimit, në të cilën informon këtë të fundit për çfarë po ndodh.

Por edhe nga Ministria, përgjigjja është thuajse e njëjtë me atë të DRAP Durrës.

Znj. Kërtusha nuk kufizohet në të drejtën e saj për të konkurruar për pozicionin e drejtorit të shkollës, për sa kohë që përmbush, ndër të tjera, edhe kriterin e diplomës.

Sipas nenit 57 të ligjit 69/2012 thuhet se mësuesi për arsimin fillor duhet të ketë Bachelor dhe Master Profesional që formon mësues të arsimit fillor, ose diplomën për arsimin fillor të ish-instituteve të larta pedagogjike.

Mësuesi për arsimin e mesëm të ulët dhe të mesëm të lartë duhet të ketë Bachelor në fushën/lëndët e arsimit të mesëm të ulët ose të lartë dhe Master me 120 ECTS në fushën e mësuesisë, që lidhet me programin e studimit të ciklit të parë. Pra, drejtuesit dhe mësuesit ushtrojnë funksione vetëm brenda profileve dhe cikleve për të cilat janë licensuar.

Më thjeshtë se kaq nuk mund të ketë.

Në këto kushte, kur asnjë nga institucionet përgjegjëse nuk jep përgjigje bindëse, Ramazani i drejtohet Komisionerit Kundër Diskriminimit, i cili urdhëron DRAP Durrës për t’i vendosur në dispozicion të gjithë dokumentet e nevojshme për rastin.

Por dokumentet e dërguara nga DRAP janë të njëjtat me ato që iu treguam më sipër dhe nuk japin asnjë argument sqarues.

Po cilat janë argumentet e Drejtorisë Arsimore të Durrësit për këtë vendim që ka nga pas shumë pikëpyetje?

Ndaj le ta pyesim direkt drejtorin e këtij institucioni, Hazbi Lika.

Ky i fundit, në përballjen e Piranjës Luela Gaxhja, thotë se nuk e mban mend numrin e kandidatëve, ndërsa kjo e fundit e pyet mbi cilin ligj është bazuar që ka shpallur fituese znj. Lindita Kërtusha. Zoti Hazbi Lika nuk jep përgjigje shteruese. Ai fillon të ngatërrojë udhëzimet dhe ligjet.

Thelbi i diskutimit është paligjshmëria e emërimit të drejtoreshës, ndaj i drejtojmë edhe një pyetje tjetër.

Si mundet një mësues i arsimit fillor të udhëheqë një shkollë të mesme të bashkuar, kur nuk ka arsimin përkatës?

Zoti Lika justifikohet me daljen e një udhëzimi të ri, duke harruar që drejtoresha e re është shpallur fituese muaj përpara se të dilte udhëzimi, gjë që e bën automatikisht të paligjshëm emërimin e kësaj të fundit./piranjat news

Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi

 

SHPËRNDAJE

Lexo edhe

INVESTIGIME

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.