Juventusi merr lajme të mira për Yildiz, rikthimi i numrit 10 në dhjetor

Sulmuesi turk i Juventus, Kenan Yildiz, po shkon drejt fazës së fundit të rikuperimit pas dëmtimit të pësuar në muajin gusht.

Lojtari ka qëndruar jashtë fushave të blerta për shkak të një problemi të këmbës së majtë. Gjatë javëve të ardhshme, numri 10 i bardhezinjve pritet të zbresë në fushën stërvitore për të nisur punën individuale fizike.

Dhimbjet në këmbën e majtë janë reduktuar ndjeshëm, duke i dhënë mundësi stafit mjekësor të rrisë gradualisht ngarkesën stërvitore. Pavarësisht sinjaleve pozitive, klubi i Juventus nuk kërkon të nxitojë rikthimin e tij për të shmangur çdo rrezik për një rëndim të dëmtimit.

Stafi teknik ka përcaktuar datën 14 dhjetor si objektivin kryesor për rikthimin e tij në fushë, pikërisht në sfidën e kampionatit kundër Monza. Trajneri Luciano Spalletti dhe shokët e skuadrës po presin me padurim rikthimin e sulmuesit turk në dispozicion të plotë.