Kurti tjetër propozim për Presidente, kandidatja ish-deputete e PDK

Kryeministri Albin Kurti ka modifikuar ofertën e tij për Partinë Demokratike të Kosovës (PDK), duke propozuar që në të njëjtën seancë të Kuvendit fillimisht të votohet në lexim të dytë projektligji për ndryshimin e Ligjit për Dhomat e Specializuara, ndërsa më pas të votohet për presidente Justina Shiroka-Pula.
Kurti i ka bërë thirrje kryetarit të PDK-së, Bedri Hamza, që të deklarojë publikisht se 22 deputetët e grupit parlamentar të PDK-së do të marrin pjesë në votimin për president.
“Kryetari i PDK-së, Bedri Hamza, le të dalë publikisht sonte, pas meje menjëherë, që 22 deputetët e grupit parlamentar të PDK-së zotohen bashkë se marrin pjesë me votë në zgjedhjen për president, ne po ia votojmë projektligjin për Gjykatën Speciale paraprakisht”, tha Kurti.
Sipas propozimit të ri të kryeministrit, seanca do të kishte dy pika të rendit të ditës. E para do të ishte shqyrtimi dhe votimi në lexim të dytë i projektligjit për ndryshimin e Ligjit për Dhomat e Specializuara, ndërsa pika e dytë do të ishte votimi për kandidaten për presidente, Justina Shiroka-Pula.
“Pra jo më pas, përpara. Në një seancë me dy pika: pika e parë, leximi i dytë i projektligjit mbi Gjykatën Speciale e ka votën tonë, dhe mandej votimi për presidente, profesoresha Justina Shiroka-Pula”, deklaroi Kurti.
Ky propozim vjen pasi, sipas Kurtit, PDK-ja ka refuzuar disa nga ofertat e mëparshme për tejkalimin e ngërçit politik.
Kurti tha se fillimisht ishte propozuar profesor Bekim Sejdiu për president, por kandidatura e tij ishte refuzuar. Ai shtoi se më pas Hamza ka kundërshtuar edhe propozimin që Ligji për Dhomat e Specializuara të votohej pas zgjedhjes së presidentit, duke kërkuar ndryshim të rendit të veprimeve.
Kryeministri iu referua edhe deklaratave të mëhershme të Hamzës për kandidatët Glauk Konjufca dhe Feride Rushiti, duke thënë se kryetari i PDK-së i ka konsideruar ata figura politike.
Kurti tha se deklarata e Hamzës për ndryshimin e qëndrimeve “3-4 herë” lidhet me faktin se gjatë negociatave janë bërë propozime të reja.
“Të nderuar gazetarë, kur ai thotë që 3-4 herë ka qëndrime të ndryshme, në fakt bëhet fjalë për propozime të reja. Natyrisht që propozimet e reja nuk janë propozimet e vjetra, janë propozime të ndryshme sepse janë propozime të reja”, tha Kurti.
Ai shtoi se, në rast se PDK-ja garanton pjesëmarrjen e të gjithë deputetëve të saj në votimin për president, Vetëvendosje do ta mbështesë paraprakisht projektligjin për ndryshimin e Ligjit për Dhomat e Specializuara.
“Pika e parë, leximi i dytë i projektligjit mbi Gjykatën Speciale e ka votën tonë, dhe mandej votimi për presidente, profesoresha Justina Shiroka-Pula”, përfundoi Kurti.mbi Gjykatën Speciale e ka votën tonë, dhe mandej votimi për presidente, profesoresha Justina Shiroka-Pula”, përfundoi Kurti.
Lexo edhe
KOSOVA
Protestuesi humb ndjenjat mes turmës, Njësia Speciale ndërhyn për t’i ardhur në ndihmë

Kosova në ankth/ Qindra protestues mblidhen para Kuvendit, policia shton masat e sigurisë

Hamza refuzon ofertën e dytë të Kurtit për presidentin dhe Specialen: Po tentohet të shndërrohet në pazar

Kurti ndryshon ofertën: Votojmë të parin ligjin për Specialen, Hamza të garantojë votat për presidentin

Kush mbetet në krye të shtetit nëse Kosova nuk e zgjedh presidentin sot?





