16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Pedagogia Skënderi: Protesta është shndërruar në një lëvizje sociale, kauza për ndryshim përfshin gjithë shoqërinë
PiranjatPërditësimi i fundit 2 November 2026, 21:58
Pedagogia Elsa Skënderi ka komentuar bojkotin e mësimit në universitete dhe angazhimin e pedagogëve në protestat që po zhvillohen prej muajsh. E ftuar në emisionin “Drejt” në Ora News, Skënderi u shpreh se, megjithëse bojkoti i shpallur nga Sindikata e Punonjësve të Universitetit nuk përfaqëson një vendim unanim të të gjithë pedagogëve, një pjesë e tyre po zgjedhin të respektojnë vullnetin e studentëve.
Ajo theksoi se angazhimi në protestë nuk është thjesht një qëndrim individual, por një detyrim social që lidhet me përgjegjësinë e intelektualëve për të qenë zëri i vetëdijes së shoqërisë.
Sipas Skënderit, njerëzit që janë pjesë e komunitetit akademik kanë përgjegjësinë t'i kthejnë shoqërisë investimin që kanë marrë ndër vite, duke u angazhuar edhe për kauza që shkojnë përtej fushës së tyre profesionale.
Pedagogia e cilësoi protestën aktuale si një kauzë shumë më të madhe sesa problematikat individuale të secilës fushë, duke nënvizuar se masiviteti i pjesëmarrjes tregon se tashmë kemi të bëjmë me një lëvizje sociale që kërkon ndryshim.
“Masiviteti edhe i pjesëmarrësve në këto protesta, që tashmë natyrisht janë shndërruar në një lëvizje sociale që kërkon më së pari një ndryshim, tregojnë që është një problem shumë më i gjerë dhe shkon përtej fushave tona të ngushta”, u shpreh Elsa Skënderi.
