16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
POLITIKE
Bajram Begaj dekretoi hartën e re të Shqipërisë me 46 bashki, Mazniku zbulon planet e Partisë Socialiste
PiranjatPërditësimi i fundit 2 November 2026, 20:57
Një ditë pasi dekretoi 9 majin si datën e zgjedhjeve vendore që do të mbahen në 2027, presidenti i Republikës Bajram Begaj dha bekimin e tij për ndarjen e re territoriale të vendi. Ndërkohë mësohet se socialistët kanë vijuar me projektin e tyre për ringritjen e Komisionit të Reformës Territoriale me shumicë anëtarësh, për të vijuar punën për kompetencat, financat dhe rajonizimin.
“Ne themi: bashkia ka këto 10 funksione. Për këto 10 funksione ka këto para që i gjeneron vetë nga taksat dhe tarifat, këto para që ia jep qeveria dhe këto para që i vijnë si mekanizëm ekualizimi, domethënë i vijnë një bashkie sepse është më e varfër ose ka më pak mundësi për të gjeneruar të ardhura vetë”, është shprehur bashkëkryetari i Reformës Territoriale Arbjan Mazniku.
Propozimi i shkrirjes së 15 bashkive nga socialistët u bë me argumentin që njësi më të mëdha do të kenë mundësi të kryejnë më shumë funksione. Gjatë fjalës së tij Manziku thekson se se në disa fusha bashkitë do të kenë më shumë kompetenca, e në disa të tjera, sic është menaxhimi i digave më pak.
“Në disa fusha bashkitë, dhe ky është besimi im personal, mund të kenë më shumë kompetenca, ndërsa në disa fusha duhet të kenë më pak kompetenca. Menaxhimi i digave duhet të bëhet në nivel të përqendruar. Nuk mund të bëhet nga bashkitë. Bashkitë duhet të kenë një rol më të madh në shëndetin parësor, në menaxhimin e ambulancave të lagjeve, ambulancave të fshatrave dhe qendrave shëndetësore të fshatrave”, tregon Mazniku.
Tirana mësohet se “do të jetë më e privilegjuara”, pasi Mazniku bën me dije se kryeqyteti do të ketë një trajtim të veçantë nga bashkitë e tjera.
“Set të posaçëm kompetencash, ndryshe nga bashkitë e tjera. Set të posaçëm fuqish, ose si një kapitull të posaçëm në ligjin për qeverisjen vendore, apo edhe një ligj të posaçëm për Tiranën”, tregon Mazniku.
Madje Mazniku nuk mohon mundësinë që Tirana të jetë një rajon më vete. “Tirana i ka të gjitha parametrat për të qenë një rajon më vete”.
Puna e socialistëve për realizimin e planeve të tyre, pritet të nisë që sot deri në fillim të majit të 2027, kur do të mbahen dhe zgjedhjet vendore.
