Pjesmarrës në Big Brother? Vedati dhe Roela kanë mendime të kundërta

Ish-konkurrenti i “Për’puthen”, Vedati, duket se nuk e ka përjashtuar mundësinë për t'u bërë pjesë e “Big Brother VIP”. Madje, ai ka pranuar se e ka menduar disa herë këtë eksperiencë, ndërsa bashkëshortja e tij, Roela, ka një qëndrim krejt tjetër.

Gjatë një interviste çifti u pyet nëse do ta shihnin veten si pjesë të formatit shumë të komentuar televiziv.

Vedati nuk e fshehu dëshirën dhe vetëbesimin për një eksperiencë të tillë.

“Shpeshherë e mendoj dhe e kam menduar shumë herë. Është e bukur të jesh pjesë e Big Brother. Është gjëja më e bukur që mund t'i ndodhë Bigut, sepse i njoh kapacitetet e mia”, u shpreh ai.

Por kur vjen puna te Roela, përgjigjja është shumë më e prerë. Ajo nuk e sheh pjesëmarrjen në këtë format si një mundësi të përshtatshme për familjen e tyre në këtë periudhë të jetës, duke pasur parasysh edhe përgjegjësitë familjare.

Kështu, ndërsa Vedati duket i hapur ndaj një ftese të mundshme nga produksioni, Roela nuk shfaq të njëjtin entuziazëm për këtë ide.

Mbetet për t'u parë nëse dëshira e Vedatit për të hyrë në shtëpinë më të famshme do të konkretizohet ndonjëherë.