“Dashuria nuk matet me gjak”/ Urimi prekës i Çiljetës për Bekon: Ndoshta nuk të kam sjellë unë në jetë, por…

Këngëtarja e njohur Çiljeta Xhilaga, ka ndarë një urim prekës për Bekon, djalin e partnerit të saj, Alban Hoxha. Këngëtarja, e cila e ka rritur Bekon pas humbjes së të ëmës, thotë se dashuria nuk matet me gjak, por me zemër, dhe me përkushtimin që ajo ka pasur për të.

Postimi i këngëtares

Gëzuar ditëlindjen, shpirti im i vogël! Ndoshta nuk të kam sjellë unë në jetë, por jeta më dha privilegjin të të rris, të të dua dhe të jem pjesë e çdo hapi të rrugëtimit tënd.

Gjatë jetës kam kuptuar se dashuria nuk matet me gjak, por me zemër, me përkushtim dhe me gjithë ato ndjenja që të lidhin me dikë përtej çdo lidhjeje biologjike.

Uroj që jeta të të buzëqeshë gjithmonë, të të ruajë nga çdo e keqe dhe të të dhurojë gjithë lumturinë që meriton. Të dua pa fund,biri im i zgjuar i matur dhe kokforti shtëpisë sonë Beko!

Çiljeta ka treguar dhe më herët, për lidhjen e veçantë që ka me Bekon, i cili e humbi nënën e tij në lindje. Këngëtarja dhe portieri Alban Hoxha prej disa vitesh bashkëjetojnë së bashku, dhe me dy djemtë që secili kishte nga raporte të mëparshme.