Protesta e studentëve dhe të rinjve para Ministrisë së Arsimit në Tiranë është shoqëruar me tensione, pasi protes...
POLITIKE
Përplasjet gjatë protestës para ministrisë, Avokati i Popullit: Kemi nisur një hetim mbi përdorimin e forcës së policisë ndaj studentëve
PiranjatPërditësimi i fundit 13 Tetor 2026, 19:17
Avokati i Popullit ka reaguar në lidhje me protestën e sotme kundër qeverisë, të zhvilluar përpara ministrisë së Arsimit, ku pati përplasje mes studentëve dhe policisë.Endri Shabani, në një njoftim zyrtar, thekson se kanë nisur një hetim administrativ për përdorimin e forcës nga policia ndaj studentëve.
Ai bën me dije se grupet e monitorimit kanë shkuar në Bllokun e Sigurisë, ku ndodhen të shoqëruarit, dhe po verifikojnë nëse u garantohen e drejta për avokat, njoftimi i familjes dhe ekzaminimi mjekësor.
“Avokati i Popullit ka nisur, sipas detyrës, një hetim administrativ mbi përdorimin e forcës nga Policia gjatë protestës së sotme. Vlerësimi bëhet sipas neneve 2, 3 dhe 11 të Konventës Evropiane të të Drejtave të Njeriut, për të përcaktuar nëse përdorimi i forcës ka qenë i domosdoshëm dhe proporcional.“, thuhet në njoftim.
Kujtojmë që policia dhunoi dhe tërhoqi zvarrë persona të caktuar, të cilët sulmuan me sende të forta godinën e ministrisë së Arsimit.
REAGIMI I PLOTE:
Avokati i Popullit ka nisur, sipas detyrës, një hetim administrativ mbi përdorimin e forcës nga Policia gjatë protestës së sotme. Vlerësimi bëhet sipas neneve 2, 3 dhe 11 të Konventës Evropiane të të Drejtave të Njeriut, për të përcaktuar nëse përdorimi i forcës ka qenë i domosdoshëm dhe proporcional.
Grupet e monitorimit të institucionit janë në Bllokun e Sigurisë dhe pranë komisariateve ku mbahen personat e shoqëruar. Po verifikohet nëse u garantohen e drejta për avokat, njoftimi i familjes dhe ekzaminimi mjekësor.
Përtej hetimit kryesisht, Avokati i Popullit fton çdo qytetar që beson se të drejtat e tij janë shkelur, t’i drejtohet institucionit me ankesë individuale.
