‘Po futet mish me hormone nga Tajlanda’, Panariti: Duhet kthesë e madhe, të ngrihet prodhimi vendas

Ish ministri i Bujqësisë, Edmond Panariti ngre shqetësimin për importin e mishit të pulës dhe derrit jashtë tregjeve të BE, kryesisht nga Brazili dhe Tajlanda që sipas tij janë jashtë çdo standardi.

I ftuar në ‘Kafe Shqeto’ në Syri Tv, Panarit tha se kur BE gjen shkelje me mishin e importuar nga Brazili, në mënyrë të drejtpërdrejtë nuk lejon që të futet në tregun e saj për konsumtaorët, porse e heq nga qarkullimi ose e asgjëson, edhe pse kanë inspektorët e tyre në vendet e prodhimit.

Panariti theksoi gjithashtu se prodhimi shtazor ka impakt në vendin tonë, për faktin se koston e rëndë e paguan qytetari, duke nisur nga braktisja e prodhimit dhe pastaj kjo na detyron të importojmë nga jashtë, prodhime të pa standardizuara.

Po ashtu ish ministry i Bujqësisë, ngriti alarmin për prodhime shtazore nga Tajlanda që hyjnë drejtpërdrejt në tregun shqiptar ose përmes një vendi të tretë, të cilat janë të kontaminuara dhe me hormone.

Ministria e Bujqësisë është person politik dhe harton politika bujqësore për zhvillimin e politikave brenda vendit dhe orienton importin drejt tregjeve të sigurta, duke i favorizuar me instrumenta fiskalë për të mos marrë produkte të pastandartizuara të BE, pavarësisht se letrat i kanë në rregull, de facto si besojnë për BE që ka inspektorë në Brazil, megjithatë kur bëjnë audite ato janë në shkelje të rëndë.

Fjala e tij:

Mendo çfarë bëhet me ne, kur ata gjejnë shkeljet dhe kanë ulur traun. Prodhimi shtazor ka një vend origjine, çfarë krijon kjo në Shqipëri. Stres të madh, kostoja e rëndë që ne paguajmë nga braktisja e prodhimit, dhe që detyrorhemi ta mbulojmë me importe. Jemi mbi 40 mijë ton mangut nga 2017.

Sfida e ministrisë është të krijojë një zinxhir për ferma vendi dhe fabrika vendase për të lidhur kontrata me fermerët duke plotësuar nevojat e industrisë dhe konsumatorët, e duke mbajtur në biznes qindra e mijëra fermerë në sektor.

Ministria duhet të ulet me prodhuesit, sepse kemi detyreime ndaj Konsumtaorit dhe BE, për të braktisur tregjet e paautorizuara si Brazili dhe Tajlanda, ku përdorin hormone. Ne shohim pula nga Brazili që kanë kocka të buta, e arrijnë përmes stimuluesve me hormone për të simuluar efektet bakteriale.

Se dimë sa ka në treg, sepse duhen analiza. Nuk i bëjnë analizat e antibiotikëve apo hormoneve, dhe ne jemi të ekspozuar, BE i bën, i ndalon, i pezullon dhe i nxjerr jashtë tregut. Fakti që ti lë shtigje të hapura, ke lidhje të ngushta dhe ndikon drejtpërdrejt ndaj konsumatorit. Këto hormone e mbetje nuk shkatërrohen.

Dhe këto vijnë nga vendet e prodhimit të vendeve të treta, përdorin stimulant dhe mbetje antibiotike. Po futet mish nga Tajlanda në Shqipëri, përmes mënyrës së dpd dhe Kosovës. Duhet të marrim kthesën e madhe, së pari të prodhojmë brenda vendit, sidomos për mishin e pulës.