Përshkallëzohen protestat e nxënësve te shkollave te mesme në Francë , me incidente të dhunshme të regjistruara në...
POLITIKE
‘S’mund ta shkruajë Belinda dhe Rama ligjin’/ Gjokutaj: I pandehuri i nesërm, cakton rregullat e lojës së gjykatës sot
PiranjatPërditësimi i fundit 1 Tetor 2026, 18:57
Avokati Genc Gjokutaj, i ftuar në emisionin “Task Force” në SYRI TV me Sonila Meçon, ka komentuar ndryshimet e propozuara në Kodin e Procedurës Penale, duke ngritur akuza për ndërhyrje politike në rregullat e drejtësisë.
Sipas tij, ndryshimet nuk mund të hartohen nga përfaqësues të ekzekutivit që mund të jenë vetë subjekte të drejtësisë penale.
Gjokutaj ka deklaruar se Edi Rama po synon të përcaktojë paraprakisht “rregullat e lojës” së gjykatave, duke e lidhur këtë me përplasjet e fundit mes mazhorancës dhe SPAK-ut.
“I pandehuri i nesërm cakton rregullat e lojës së gjykatës sot”, tha avokati, ndërsa kritikoi ashpër rolin e Edi Ramës dhe Belinda Ballukut në këtë proces.
Gjokutaj:Nuk është kaq e thjeshtë kjo histori. Kjo histori ka një skenar, ka dhe një autor. Edhe më lejoni t'ju shpjegoj pak. Ju e mbani mend ndryshimet në vitin 2017, që po ky Edi Rama bëri kodin e prokurorit ku zhduku brenda një nate të gjitha të drejtat e të pandehurit në një proces penal.
Të pandehurit dhe mbrojtësit nuk kish mundësi, nuk ju la asnjë e drejtë për të paraqitur prova shkresore, si ekspertime, dokumenta në një proces. Pra i hoqi të gjithë të drejtat dhe u vendos një kod i hekurt. Dhe asokohe, zotëria në fjalë, përballë Donald Lu-së, si Oliver Hardy dhe Stan Laurel, shprehimisht ka thënë që çdo zyrtar i çdo niveli do të përballet me burgun dhe me drejtësinë.
Pra ky ishte Edi Rama i 2017-ës. Me kodin e prokurorit. Po pse? Sepse duhej arrestuar opozita. Duhej goditur opozita, sepse ishte akoma në muajin e mjaltit, e kupton, me ish-administratën amerikane, me Sorosin e me dreqin e me të birin. Tashi vijmë në 2026-ën. Po bën kodin e të pandehurit dhe i ka veshur të bardha.
Dhe tashti është bërë shumë i ngeshëm. Pra tashti prokurori duhet të bëjë dhe avokatin thotë ai, të marrë të gjithë dokumentat e pafajësisë. I ka pasur kodi para 2017-ës të gjitha këto parametra, kemi paraqitur edhe ekspertime private, kemi paraqitur dhe dokumenta, e kupton? Dhe prokurori i administronte në dosje pavarësisht se i çmonte apo jo për provë, e kuptoni të shihni gjithë atë debatin gjyqësor. Kështu që kjo është një demagogji e tërë sepse modeli i Edi Ramës është patronazhimi, dhe këto ndryshime të fundit janë patronazhim i drejtësisë, t'i tregojë vijën e sjelljes drejtësisë, se si duhet të veprojë, të caktojë i pandehuri i nesërm, rregullat e lojës së gjykatës sot. Kjo histori, kjo histori ju thashë e ka një skenar sepse...
Meço: Për të arritur ku? Për të arritur ku? Genci, që mos të bëhemi dhe shumë teknik, t'ja thjeshtojmë pak publikut. Për të arritur ku? Ku synohet të arrihet?
Gjokutaj: Sepse këta presin burgun të gjithë. Dhe Rama mbasi i dha goditjen... ore nuk mund të shkruajë kodin Belinda Balluku me Edi Ramën, e kuptoni ju këtë? Sepse këta janë ekzekutiv, janë subjekte të drejtësisë penale. Ndryshimet duhet të vijnë të konsultuara nga mjedisi juridik, edhe të propozuara nga mjedisi juridik e të konsultuara, po të doni edhe nga Venecia, por jo të dali ky... dje ishte gjyqtar, sot u bë arkitekt, nesër bëhet studiues nafte, e kuptoni ju?
Kjo goditje që i bëri politike SPAK-ut, e kupton, nuk u mjaftua sepse SPAK-u do të lëvizë, do të lëvizë mbas një pauze, sepse qe një goditje në oksipital ajo në parlament ndaj Belindës... ndaj imunitetit dhe lejes së arrestimit të Belinda Ballukut dhe refuzimit. Tashi nuk i mjaftoi ajo goditje politike sepse ajo është e përkohshme, një përdorimshe. Pra një kërkesë tjetër e sjell në një tjetër derexhe. Kështu që çfarë ka menduar mendja e tij diabolike dhe hermafrodite? Dakord? Sepse ky bën dhe prokurorin, bën dhe avokatin. Çfarë i thotë mendja? Të ndryshojmë ligjin thotë. Ndryshojmë ligjin ne thotë dhe gjyqtarët i kthejmë në kukulla. Pra teatri i kukullave e dini ju, ata lëvizin të komanduar nga njerëz nga poshtë. Kukullat dhe shikojnë njerëzit në teatër të tërë. Edhe gajasesh duke qeshur.
