Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Rai kronikë për “turizmin dentar” në Shqipëri/ Mbi 60 mijë italianë vijnë çdo vit, biznesi kap vlerën e 200... Hasi në harresë! Rruga e fshatit Fajzë në gjendje skandaloze, e mbushur me gropa dhe pellgje uji Lumenj parash për fundvitin/ ARRSH hap 180 milionë euro tendera në një ditë të vetme U godit me plumb gome në sy nga policia gjatë protestës së studentëve, prokuroria thërret për të dëshmuar E... Vodhi pensionet/ Ish-drejtoresha e Postës së Durrësit kërkon tjetër masë sigurie, gjykata vendos moskompete... VIDEO/ Avioni rrëzohet në autostradë në Meksikë dhe përfshihet nga flakët Kamberi: Vuçiç mund të bëjë zhurmë në kuvend, por nuk mund ta fusë në krizë institucionale Serbinë Kanabis xhelatinë nga Britania në Elbasan/ Detaje nga operacioni “Risia”, Flavio Islamaj braktisi automjeti... Alarm në Poloni pas sulmeve ruse në Ukrainë, dyshohet për shkelje të hapësirës ajrore nga objekte të paiden... Konfiskohen 16 milionë euro prona në Vlorë, u përfituan me dokumente të falsifikuara Eisenkot tenton të rrëzojë Netanyahun, në tryezë edhe mundësia e një qeverie minoritare me mbështetjen e pa... Piranjat News e paralajmëroi ekskluzivisht/ Zyrtarizohet largimi i Besmir Bejës nga Doganat, ja kush e zëve...
AKTUALITET

Rai kronikë për “turizmin dentar” në Shqipëri/ Mbi 60 mijë italianë vijnë çdo vit, biznesi kap vlerën e 200 milionë eurove

P
Piranjat20 November 2026, 11:49 · 3 min lexim
Rai kronikë për “turizmin dentar” në Shqipëri/

Reportazhi i gazetares Anna Milan nis që në linjën ajrore Bari–Tiranë, ku ajo udhëton krah dhjetëra pacientëve italianë. Me të mbërritur në kryeqytet, kronika përshkruan përqendrimin masiv të klinikave dentare. 

"Këtu, në çdo pallat në këtë zonë ka nga një klinikë. Por ky është stadiumi i Tiranës; edhe këtu brenda ndodhen dy-tri klinika. Në qiellgërvishtësin më të lartë të qytetit, Downtown One, 18 dentistë janë në punë në të njëjtin kat, bashkë me dhomat për ata që flenë këtu", raporton gazetarja e TG1.

Arsyeja kryesore që i shtyn italianët drejt Tiranës mbetet diferenca e madhe e çmimeve. Gjatë kronikës, një pacient italian tregon se synon të rregullojë të dyja nofullat—të sipërmen dhe të poshtmen—ndërsa përfaqësuesi i klinikës i konfirmon se kostoja varion nga 6 mijë deri në 8 mijë euro. 

"Në Itali shkonte rreth 18 mijë", shton pacienti. E pyetur nga gazetarja se çfarë e mundëson këtë çmim dhe sa është fluksi i klientëve, përfaqësuesi i klinikës shpjegon se "pagat janë pak të ulëta dhe gjithashtu edhe taksat e favorizojnë disi", duke shtuar se vetëm klinika e tyre pret "pak a shumë rreth 300 pacientë [italianë] në muaj".

Megjithatë, reportazhi ngre edhe alarmin e dentistëve italianë mbi cilësinë dhe sigurinë e ndërhyrjeve të shpejta. 
"Rreziqet: trajtime të nxituara dhe agresive, thonë dentistët italianë; një pacient në tre pendohet", thekson gazetarja teksa viziton klinika të tjera në kryeqytet, ku në disa prej tyre gjysma e pacientëve janë shtetas italianë. 

Në njërën prej bisedave, përfaqësuesi i klinikës i thotë pacientit: "Më dërgo panoramën, mund të rrish 3 ditë këtu", duke ilustruar premtimin se brenda tri ditësh mund të ribëhet e gjithë nofulla.

Në mbyllje, kronika e TG1 vëren se fenomeni po kthehet në një paketë të plotë familjare. "E quajnë turizëm dentar: këtu vijnë mbi 60 mijë italianë në vit. Ndodh që vijnë familje ku burri bën trajtimet dentare dhe gruaja shkon të bëjë një ndërhyrje të kirurgjisë estetike. Ky biznes vlen 200 milionë [euro] në vit dhe deri në mbrëmje Tirana ndriçohet në kërkim të pacientëve të rinj", përfundon reportazhi i televizionit publik italian.

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.