16-vjeçari Arjon Xhezairi ka ndërruar jetë në Spitalin e Traumës në Tiranë, pasi nuk arriti t’u mbijetonte plagë...
SHOWBIZ
Rrëfimi i sinqertë i Orinda Hutës: Kam tentuar shumë herë për një shtatzëni të dytë, po përpiqem me IVF në Turqi
PiranjatPërditësimi i fundit 2 November 2026, 15:50
Orinda Huta ka ndarë publikisht vështirësitë që po kalon në përpjekjen për të sjellë në jetë fëmijën e saj të dytë. Ajo zbuloi se pas katër tentativave të pasuksesshme përmes fertilizimit in vitro në Shqipëri, ka nisur një tjetër proces në një klinikë në Turqi. Orinda tregoi se dëshira e saj dhe e partnerit për të zgjeruar familjen mbetet e madhe dhe se nuk ka ndërmend të heqë dorë, për aq kohë sa trupi i saj do t’ia mundësojë këtë rrugëtim. Ajo u shpreh se shpreson dhe lutet që përpjekja e radhës të përfundojë me lajmin që dëshiron.
Vendimi për të vijuar trajtimin në Turqi erdhi pas zhgënjimit që përjetoi gjatë përpjekjeve në Shqipëri. Sipas saj, në këtë proces nuk është ndier e dëgjuar nga mjekët dhe ka pasur momente kur është ndier sikur trajtohej vetëm si një statistikë.
“Unë po përpiqem dhe do të vazhdoj të përpiqem. E dëshiroj shumë një fëmijë të dytë dhe, për sa kohë trupi ynë e mundëson, bashkë me lutjet drejtuar Zotit, besoj se kjo mund të ndodhë. Nuk mendoj se duhet të dorëzohemi.
Sot gratë përballen me shumë vështirësi dhe shpesh nuk marrin përgjigje për arsyen pse po u ndodhin. Tani e kam nisur këtë proces në Turqi dhe po provoj atje. Në Shqipëri e tentova katër herë, por nuk ia dola.
Kur vendosa të mos provoja më, sidomos pas zhgënjimit të fundit, u ndjeva e padëgjuar. Ti nis të njohësh trupin tënd dhe të bësh pyetje, ndërsa mjeku të përgjigjet: ‘Kështu janë statistikat’. Në atë moment nis ta shohësh veten vetëm si një statistikë.Nuk mund të zbatohet i njëjti protokoll për çdo paciente. E mbaj mend shumë mirë ditën kur mësova se stimulimi nuk kishte shkuar mirë, më 30 dhjetor. Më telefonuan dhe më thanë: ‘Orinda, nuk ia dole dot’.
M’u desh një vit që ta nisja përsëri këtë rrugëtim. Klinika në Turqi më kërkoi të shkoja dhe të provoja një herë atje. Tani shpresojmë dhe, nëse Zoti nuk e do, nuk mund ta sforcosh”, u shpreh Orinda Huta.
Tashmë, moderatorja po vijon përpjekjen e re në Turqi, duke shpresuar që kjo herë të jetë e suksesshme.
