Sherr për një vend parkimi në Vlorë, nxirret thika në mes të qytetit para dhjetëra qytetarëve

Një konflikt banal për një vend parkimi është kthyer në një situatë të tensionuar, ku një person ka nxjerrë thikën në mes të rrugës, në një zonë të frekuentuar nga qytetarët.

Ngjarja është regjistruar pranë një shkolle dhe në një hapësirë ku lëviznin dhjetëra persona, kryesisht qytetarë që po kryenin pazaret. Debati mes palëve për një vend parkimi ka agravuar, duke kaluar në kërcënime me mjet prerës.

Disa qytetarë kanë ndërhyrë për të ndarë personat e përfshirë në konflikt, ndërsa njëri prej tyre ka nxjerrë thikën, pa marrë parasysh praninë e njerëzve përreth.
Fatmirësisht, nga incidenti nuk raportohet për persona të lënduar. Në vendngjarje ka mbërritur edhe policia.