Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shembja e banesave me banorët brenda/ Bashkia Rrogozhinë zgjohet pas ndërhyrjes së Piranjave “Bëhu e imja vetëm një herë”/ Një miqësi që u kthye në përndjekje dhe shantazh Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu...
AKTUALITET

Policia e Shtetit reagon pas sulmit me vezë ndaj gazetarit Bledi Mane nga protestuesit

P
Piranjat 6 October 2026, 15:35 · 2 min lexim
Policia e Shtetit reagon pas sulmit me vezë ndaj gazetarit Bledi Mane nga

Policia e Shtetit ka reaguar lidhur me incidentin e 5 tetorit në Tiranë, ku gazetari Bledi Mane u sulmua, duke bërë me dije se po vijojnë hetimet për zbardhjen e plotë të ngjarjes.

Sipas Policisë, strukturat përkatëse po kryejnë veprimet procedurale për të përcaktuar rrethanat e incidentit, identifikuar personat e përfshirë dhe referuar materialet pranë Prokurorisë, në përputhje me procedurat ligjore.

Në deklaratën e saj, Policia e Shtetit dënon çdo formë dhune, kërcënimi apo intimidimi ndaj qytetarëve, ndërsa thekson se e drejta për protestë paqësore është e garantuar nga Kushtetuta.

Megjithatë, sipas uniformave blu, kjo e drejtë nuk mund të shndërrohet në mjet për kërcënimin apo sulmin ndaj personave të tjerë për shkak të bindjeve apo qëndrimeve të tyre.

“Askush nuk mund të marrë ligjin në duart e veta, të vendosë se kush duhet ndëshkuar dhe ta zbatojë këtë vendim në rrugë. Zbatimi i ligjit është përgjegjësi ekskluzive e institucioneve të shtetit”, thuhet në reagim.

Policia u ka bërë thirrje qytetarëve të shmangin përplasjet dhe të mos i përgjigjen dhunës me dhunë. Në rast se ndihen të kërcënuar apo të kanosur, qytetarët ftohen t’u drejtohen strukturave të Policisë, duke garantuar se çdo kallëzim do të trajtohet me seriozitet dhe në përputhje me ligjin.

Në përfundim, Policia e Shtetit thekson se do të garantojë sigurinë dhe të drejtat e të gjithë qytetarëve, pavarësisht bindjeve të tyre.

“Policia e Shtetit do të mbrojë njësoj qytetarin që proteston dhe qytetarin që mendon ndryshe. Liria e protestës, liria e shprehjes dhe siguria e çdo qytetari garantohen nga ligji dhe do të mbrohen pa asnjë dallim”, përfundon deklarata.

 

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.