Qytetarët e Durrësit kundër projektit TID, hedhin vezë drejt godinës së Bashkisë

Banorët e prekur nga projekti TID Durrës janë rikthyer këtë paradite në protestë para Bashkisë së Durrësit, pak minuta para nisjes së mbledhjes së Këshillit Bashkiak.
Protestuesit kërkojnë shfuqizimin e projektit dhe transparencë mbi procedurat që po ndiqen nga institucionet përgjegjëse, veçanërisht për pronat që preken nga ndërhyrja.
Teksa në sallën e Këshillit Bashkiak të Durrësit ka nisur mbledhja e radhës, jashtë saj qytetarët e prekur nga projekti TID të mbledhur në protestë, kanë nisur të qëllojnë me vezë drejt godinës së Bashkisë.
Rreth tre javë më parë, ata i janë drejtuar Bashkisë së Durrësit me një kërkesë për informacion mbi projektin dhe pronat e prekura, por thonë se ende nuk kanë marrë përgjigje.
Në kuadër të procesit gjyqësor që po zhvillohet në Gjykatën Administrative të Tiranës, është kërkuar gjithashtu pjesëmarrja e drejtoreshës së Drejtorisë Juridike të Bashkisë Durrës, Almeida Rroshi.
Gjatë protestës janë vendosur pankarta me mesazhe kundër projektit, mes tyre: “Kryetare Emiriana Sako, ndalo shpronësimet! Mos shto veprat penale!”“Mos e prek Durrësin!”, “AADE mos prekni trashëgiminë!”, “S’na keni informuar, ju gënjeni” dhe “Bashki, po na hidhni nga banesat tona në rrugë”.
Lexo edhe
AKTUALITET
Gjendet i pajetë një 28-vjeçar në Malësinë e Madhe, dyshimet e policisë

Ç’po ndodh te Gjykata e Posaçme? Garda e Republikës kontrolle me qen eksploziv

Sot një vit nga vrasja në sallën e gjyqit, kolegët nderojnë kolegun e ndjerë Astrit Kalaja

Policia e Shtetit reagon pas sulmit me vezë ndaj gazetarit Bledi Mane nga protestuesit

Dibër/ Gjendet e pajetë 70-vjeçarja e zhdukur prej tre muajsh, nis hetimi





