Nga Jesus Antonio Blancuiqet, EL TIEMPO
Për muaj me radhë, historia e Enid Kasmit në Venezuelë ishte e rrethuar nga pikëpyetje. Kur u ...
AKTUALITET
SPAK zbulon një vilë tjetër të Belinda Ballukut në Sardenjë të Italisë!
PiranjatPërditësimi i fundit 1 Tetor 2026, 22:01
Hetimet e SPAK për gjetjen e pasurive të fshehura të ish-Zëvendëskryeministres dhe deputetes së PS, Belinda Balluku, brenda dhe jashtë vendit duket se kanë vazhduar me intesitet.
Alfapress.al ka mësuar se prokurororët e çështje në bashkëpunim me homologët italianë, kanë zbuluar një pasuri tjetër të Ballukut në një nga vendet më eksluzive të bregdetit të Italisë. Bëhet fjalë për një vilë luksoze në Sardenjë, e cila dyshohet se i përket asaj, por është kamufluar në emrin e personave të tjerë.
Mësohet se "gjuetia" e pasurive dhe parave të Ballukut është shtrirë në disa vende në Europë, në të cilat po bashkëpunohet ngushtë me institucionet e zbatimit të ligjit.
Deri më tani, SPAK, ka kinfirmuar zyrtarisht gjetjen e dy vilave të fshehura të Belinda Ballukut në bregdetin e Vlorës. Vila e parë u zbulua në Dhërmi. Ajo dodhet në kompleksin “White Rocks”, e regjistruar formalisht në emër të ish-futbollistit Igli Tare.
Vila e dytë u gjet pas hetimeve në Palasë e përshkruar si “Vila familjare 2F nr.188/1”, e cila gjithashtu është sekuestruar nga SPAK në kuadër të hetimeve për korrupsion pasiv dhe pastrim parash.
Ndërkohë pak ditë më parë gazetarja, Anduena Llabani, raportoi dhe shfaqi pamjet e një vile tjetër luksoze në Dibër, e cila sipas saj dyshohet nga SPAK, se i përket Belinda Ballukut dhe se si në rastet e tjera është kamufluar si në emrin e personave të tjerë./Alfapress
