Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
“Bëhu e imja vetëm një herë”/ Një miqësi që u kthye në përndjekje dhe shantazh Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu... Gjeti 12 mijë euro në koshin e plehrave dhe i dorëzoi në polici, ndershmëria i siguron punë të përhershme n...
AKTUALITET

Vrasja e Mikel Rrokut në Itali, arrestohen gruaja italiane dhe i dashuri i saj

P
Piranjat 6 October 2026, 09:52 · 2 min lexim
Vrasja e Mikel Rrokut në Itali, arrestohen gruaja italiane dhe i dashuri i

Detaje të reja dalin nga hetimet për vdekjen e shqiptarit Mikel Rroku në Torino, ku në pranga kanë përfunduar bashkëshortja e tij 45-vjeçare dhe partneri i saj i ri, 52 vjeç.

Dy shtetasit italianë dyshohen për përfshirje në vdekjen e 55-vjeçarit, ndërsa ndaj tyre është caktuar masa e sigurisë “arrest me burg”.

Rroku u gjet i pajetë më 6 korrik në banesën e tij në rrugën “Verolegno”, në zonën Lucento të Torinos. Trupi i tij u gjet pas disa ditësh, në gjendje të avancuar dekompozimi, ndërsa në kokë kishte dëmtime të rënda.

Ishin fqinjët ata që sinjalizuan autoritetet, pasi kishin konstatuar një erë të rëndë që vinte nga apartamenti. Pas ndërhyrjes, hetuesit nisën ekzaminimet për të përcaktuar shkaqet dhe rrethanat e vdekjes.

Dëmtimet e konstatuara në kokën e 55-vjeçarit ngritën dyshimet se bëhej fjalë për një vdekje të dhunshme. Në vijim, hetimi u përqendrua te bashkëshortja e Rrokut dhe 52-vjeçari, me të cilin ajo dyshohet se kishte një lidhje.

Arrestimet u kryen në orët e para të mëngjesit të së martës nga karabinierët e Komandës Provinciale të Torinos.

Tashmë hetuesit po përpiqen të rindërtojnë minutat e fundit të jetës së shqiptarit dhe të zbardhin se çfarë ka ndodhur brenda banesës. Një tjetër pikë e hetimit është përcaktimi i motivit dhe rolit që dyshohet se ka pasur secili prej dy të arrestuarve.

Deri më tani, autoritetet italiane nuk kanë bërë të ditura të gjitha detajet e dosjes. Dy të arrestuarit mbeten nën akuzë dhe përgjegjësia e tyre do të përcaktohet nga procesi gjyqësor.

SHPËRNDAJE

Lexo edhe

AKTUALITET

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.