Franca teston për herë të parë nga nëndetësja raketën e re bërthamore, Macron: Për të qenë i lirë, duhet të jesh i fuqishëm

Franca ka kryer për herë të parë nga një nëndetëse testimin e raketës së re balistike M51.3, të aftë për të transportuar koka bërthamore, në një demonstrim të fuqisë së saj strategjike në një moment tensionesh të shtuara për sigurinë në Evropë.
Raketa, e cila gjatë testit nuk mbante kokë luftarake, u lëshua këtë të martë nga nëndetësja strategjike me energji bërthamore “Le Vigilant”, në brigjet e Bretanjës. Ajo përfundoi në Atlantikun e Veriut, qindra kilometra larg vijës më të afërt bregdetare.
Presidenti Emmanuel Macron ndoqi testimin nga anija luftarake “Auvergne” dhe publikoi pamje të lëshimit në rrjetin X. Kreu i shtetit francez e cilësoi operacionin si një tjetër provë të besueshmërisë së kapaciteteve franceze të parandalimit bërthamor.
“Për të qenë i lirë, duhet të të kenë frikë. Dhe për të të pasur frikë, duhet të jesh i fuqishëm”, shkroi Macron, duke shtuar se suksesi teknik dëshmon besueshmërinë dhe qëndrueshmërinë afatgjatë të parandalimit bërthamor francez.
Ministria franceze e Forcave të Armatosura bëri të ditur se testi ishte planifikuar dhe u realizua në respekt të angazhimeve ndërkombëtare të Francës. M51.3 përfaqëson një nga elementet kryesore të modernizimit të arsenalit strategjik francez dhe synon të ruajë aftësinë operacionale të forcave bërthamore për dekadat e ardhshme.
Lexo edhe
BOTA
Alarmi për murtajën në Siberi, Rusia refuzon ofertën e SHBA për ndihmë: Do ta përballojmë vetë

Pas dorëheqjes së Vuçiçit Serbia “tradhton” gazin rus? Beogradi hap korridorin për LNG-në amerikane

4500 paund për t’u “bërë” homosek*ual, policia britanike godet grupin që favorizonte emigrantët për azil

Panik në aeroportin e Los Anxhelosit, dy avionë përfshihen në një aksident në pistë

Trump sulmon Fox News: Janë më të shqetësuar për demokratët dhe xhihadistët sesa për tubimet e mia

Lituania heq ndalimin e armëve bërthamore, Rusia: Po shkojmë drejt përshkallëzimit

Kërkesa e Zagrebit prej 2.4 mld euro/ Presidenti i Malit të Zi i përgjigjet Kroacisë: Jemi vende mike! Të mos fokusohemi te ato që na nda...

Dodik i shpëton sanksioneve amerikane, kompania e afërt me Trumpin futet në projektin miliardësh të gazit në Bosnje





