Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Shembja e banesave me banorët brenda/ Bashkia Rrogozhinë zgjohet pas ndërhyrjes së Piranjave “Bëhu e imja vetëm një herë”/ Një miqësi që u kthye në përndjekje dhe shantazh Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu...
BOTA

Publikohet videoja e fundit e Yahya Sinwar, pamjet dyshohet se janë xhiruar pak ditë para vdekjes

P
Piranjat 7 October 2026, 15:27 · 2 min lexim
Publikohet videoja e fundit e Yahya Sinwar, pamjet dyshohet se janë xhiruar

Brigadat al-Qassam, krahu i armatosur i Hamasit, kanë publikuar një video të papublikuar më parë të ish-liderit të organizatës, Yahya Sinwar, me rastin e trevjetorit të sulmit të 7 tetorit 2023. Pamjet, sipas Hamasit, janë xhiruar në zonën Tel al-Sultan në Rafah, në Rripin e Gazës, disa ditë para vdekjes së Sinwar në tetor 2024.

Në video shfaqen gjithashtu Mahmoud Hamdan, komandant i batalionit Tel al-Sultan, dhe Anis al-Darbi, të cilët përshkruhen si bashkëpunëtorë të afërt të Sinwar.

Sipas përshkrimit të publikuar nga krahu i armatosur i Hamasit, në pamje Sinwar dhe komandantët e tjerë diskutojnë për përballjen me forcat izraelite në Rripin e Gazës. Sinwar u vra nga forcat izraelite në tetor 2024, rreth një vit pas sulmit e 7 tetorit 2023.

Në të njëjtën kohë, zëdhënësi i Brigadave al-Qassam, Abu Obeida, ka publikuar një deklaratë me rastin e trevjetorit të sulmit të 7 tetorit. Ai e cilësoi atë si një “arritje të jashtëzakonshme ushtarake”, duke pretenduar se planifikimi dhe ekzekutimi i operacionit treguan një nivel të lartë përgatitjeje dhe fshehtësie.

Abu Obeida tha se kanë kaluar tre vjet që nga ajo që ai e përshkroi si goditje ndaj doktrinës së sigurisë izraelite, ndërsa deklaroi se Palestina nuk do t’i harrojë personat që e kanë mbështetur. Në deklaratën e tij, zëdhënësi i al-Qassam iu referua gjithashtu sulmeve me dronë të kryera nga grupe të lidhura me Iranin nga drejtime të ndryshme, përfshirë Jemenin dhe Irakun. Ai la të kuptohej se mund të ketë sulme të reja ndaj Izraelit nga fronte të tjera, duke përmendur edhe mundësinë e hapjes së një fronti nga drejtimi i Perëndimit.

 

SHPËRNDAJE

Lexo edhe

BOTA

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.