Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
EMRI/ U ekzekutua në Spanjë, kush është 39-vjeçari shqiptar i vrarë me armë zjarri  PS i përgjigjet Veliajt për mbledhjen e Asamblesë: Merru me organet e drejtësisë, jo të partisë! Larje hesapesh/ Detaje të reja nga ekzekutimi i shqiptarit në Spanjë, autori ikën me skuter Aksident i rëndë në aksin Gjirokastër-Kakavijë, përplaset për vdekje 64-vjeçari Eurodeputeti gjerman, Michael Gahler: Qeveria teknike do t’u japë shpresë qytetarëve shqiptarë për zgjedhje... Vrasja e Ardian Nikulajt/ Nis gjyqi në Apel për portugezin Ruben Saraiva, kërkohet rrëzimi i burgimit të pë... Xhixho: Buxheti 2027 për Arsimin, prova se kjo qeveri nuk ka reflektuar ndaj protestës 'Nga Blloku luksoz te perandoria e kokainës në Britani'/ Si u pasuruan bandat shqiptare dhe si paratë e dro... Noizy në GJKKO: Edhe para dy muajsh më vunë eksploziv në një karton pice Viola Haxhiademi largohet nga drejtimi i KESH, ja kush emërohet Hetimet për “Albanian Files”, Lubonja: Janë formale, s’kam parë që të thirret Rama 80 miliardë dollarë në lojë! A rrezikon CEO i Nvidia-s divorcin më të shtrenjtë në histori pas tradhtisë nd...
INVESTIGIME

Faturat e avokatit/ Si u zhdukën mijëra euro pa bërë asnjë punë?

P
Piranjat 2 October 2026, 22:23 · 5 min lexim
Faturat e avokatit/ Si u zhdukën mijëra euro pa bërë

Elvira Veseli, emigrante prej vitesh në Gjermani, deklaron se i ka paguar avokatit Gëzim Kovaçi një shumë prej 4200 eurosh për disa çështje familjare dhe pronësie, por sipas saj, punët nuk janë kryer. Veseli tregon se familja iu drejtua avokatit fillimisht për një problem me pronën, më pas për divorcin e vajzës dhe për një çështje që lidhej me ADN-në e fëmijës së saj. Për çështjen e tokës, ajo thotë se i ka paguar avokatit 2200 euro përmes Western Union.

Sipas saj, pavarësisht pagesës, nuk ka marrë fatura apo prova për veprimet që avokati pretendonte se kishte kryer.

“Kam paguar 2200 euro. Asnjë faturë nuk më ka dhënë. Asnjë seancë, asnjë lloj gjëje nuk ka bërë”, pretendon Veseli.

Ajo thotë se ka shkuar personalisht pranë institucioneve për të verifikuar nëse ishin bërë njoftimet për konfliktin mbi pronën, por, sipas saj, aty nuk kishin dijeni për ndonjë veprim të avokatit. Problemet, sipas saj, nuk përfunduan këtu. Për divorcin e vajzës, ajo pretendon se ka paguar edhe 500 euro, ndërsa procedura, sipas saj, u përfundua më vonë nga shteti, pasi familja i dha fund marrëdhënies me avokatin.

Një tjetër pagesë prej 1000 eurosh lidhej me procedurën e ADN-së së fëmijës së vajzës.

Veseli pretendon se as kjo procedurë nuk u ndoq dhe se çështja mbeti pezull deri në momentin kur fëmija ndërroi jetë. Pas këtyre episodeve, familja kërkoi kthimin e parave. Në një seri komunikimesh telefonike të siguruara nga familja, avokati dëgjohet duke premtuar se do t’i kthente paratë, por, sipas Veselit, muajt kaluan dhe pagesa nuk u krye.

Në një prej telefonatave, familjarët i kërkojnë avokatit t’u kthejë shumën prej 4200 eurosh, ndërsa ai përgjigjet se do t’i përgatisë paratë dhe kërkon kohë. Veseli thotë se, pas pritjeve të përsëritura, më 24 maj 2023 iu drejtua Policisë së Elbasanit dhe bëri kallëzim. Sipas saj, avokati u shoqërua dhe qëndroi për një periudhë në paraburgim, por edhe pas kësaj, ajo nuk i ka marrë paratë.

Familja ka vënë në dispozicion edhe një seri faturash të Western Union, të cilat, sipas saj, dokumentojnë pagesat e kryera në emër të Gëzim Kovaçit gjatë viteve 2018–2021. Në disa raste, paratë janë dërguar nga Elvira, ndërsa në raste të tjera përmes familjarëve të saj, të cilët thonë se ia kanë dorëzuar paratë avokatit për çështjen e pronës.

Vetë Kovaçi, sipas dokumenteve të përmendura nga familja, ka deklaruar në gjykatë se ishte pajisur me prokurë për përfaqësimin e familjes për çështjen e pronës, por se nuk kishte kryer veprime pasi, sipas tij, nuk i ishte vënë në dispozicion dokumentacioni i nevojshëm. Megjithatë, familja pretendon se pagesat janë bërë pikërisht për ndjekjen e këtyre çështjeve dhe kërkon kthimin e shumës së dhënë.

Sot, Elvira Veseli thotë se vijon të përballet me pasojat financiare të kësaj historie.  Ajo tregon se paratë i kishte mbledhur me vështirësi, duke punuar prej vitesh në Gjermani, dhe se për pagesat ndaj avokatit kishte marrë edhe borxhe.

“Mezi i kam mbledhur këto lekë dhe ia kam çuar avokatit, me borxhe. Kam bërë sakrifica”, shprehet ajo.

Përballë Piranjave, Kovaçi e mohon që të ketë marrë para nga Elvira, duke deklaruar se nuk ishte avokat i saj, por faktet, si faturat dhe regjistrimet, tregojnë të kundërtën./piranjat news

Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi

 

SHPËRNDAJE

Lexo edhe

INVESTIGIME

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.