Me lot në sy dhe përqafime, Jakup Krasniqi largohet nga Kosova pas katër ditësh pranë familjes, rikthehet në Hagë

KOSOVA- Jakup Krasniqi është larguar këtë të shtunë nga Kosova, duke u rikthyer në Hagë pas katër ditësh qëndrimi pranë familjes në Prishtinë. Ndarja me të afërmit është shoqëruar me emocione të forta, lot dhe përqafime, në një moment të vështirë për ish-kryetarin e Kuvendit të Kosovës.
Krasniqi kishte marrë një leje të posaçme nga Dhomat e Specializuara të Kosovës për të vizituar bashkëshorten e tij, e cila ndodhet në gjendje të rëndë shëndetësore. Gjatë qëndrimit në Prishtinë, atij iu lejua të kalonte disa orë në ditë në banesën familjare në lagjen Velania.
Momenti i largimit u përcoll me emocione, ndërsa në hyrje të banesës e priti djali i tij, deputeti Altin Krasniqi, i cili e përshëndeti në çastet e fundit para nisjes drejt Hagës. Ai u largua me automjetet e EULEX-it, ndërsa në zonë ishin të pranishme edhe forcat e policisë së Kosovës. Vizita u zhvillua nën masa të rrepta sigurie dhe me kufizime në takimet me familjarët.
Vëllai i tij, Daut Krasniqi, bëri të ditur se nuk ishte lejuar t'i afrohej banesës dhe për këtë arsye nuk kishte mundur ta takonte. Kufizimet e vendosura gjatë vizitës janë kritikuar edhe nga kreu i Organizatës së Veteranëve të Luftës së UÇK-së, Hysni Gucati. Kjo ishte vizita e dytë e Jakup Krasniqit në Kosovë që prej arrestimit në nëntor të vitit 2020. Në tetor 2024, ai kishte marrë një leje të ngjashme për t'u kthyer në vendlindje pas ndarjes nga jeta të vëllait të tij, Azem Krasniqi.
Jakup Krasniqi mbahet në paraburgim në Hagë prej rreth gjashtë vitesh. Ai është dënuar në shkallë të parë me 25 vite burg për krime lufte, në të njëjtin proces me ish-presidentin Hashim Thaçi, Kadri Veselin dhe Rexhep Selimin. Mbrojtja e të katër të dënuarve pritet të apelojë vendimin, ndërsa procesi gjyqësor vijon të mbetet në vëmendjen e opinionit publik në Kosovë dhe Shqipëri.
Lexo edhe
KOSOVA
Djali i Jakup Krasniqit: Mirënjohës për të gjithë që në këto ditë të vështira na dhatë forcë

Jakup Krasniqi nis ditën e fundit të vizitës në Kosovë, pritet të kthehet sot në Hagë

Kurti i kërkon Zelenskyt njohjen e Kosovës: Do të demaskohej blofi i Putinit!

Kurti në Kyiv Post i kërkon Zelenskyt njohjen e Kosovës: Refuzoni krahasimet e Putinit

E rëndë/ Teksa Jakup Krasniqi largohej nga shtëpia, pjesëtarët e EULEX-it dyshohet se u drejtuan armët familjarëve të tij

Dy operacione policore kundër narkotikëve, disa të arrestuar

Përfundon edhe një tjetër ditë pranë familjes, EULEX-i me 4 xhipa shkon të marrë Jakup Krasniqin nga shtëpia




