Gjykata e Shkallës së Parë e Juridiksionit të Fierit ka pranuar kërkesën e mbrojtjes për lirimin e Sokol Hoxhës, i cil...
POLITIKE
Bushati: Rama po sillet si ‘lake i bindur’ i Izraelit, ja çfarë fshihet pas marrëdhënieve me Tel Avivin
PiranjatPërditësimi i fundit 12 Tetor 2026, 21:30
I ftuar në emisionin “Çim Peka Live” në Syri TV, analisti Andi Bushati komentoi marrëdhëniet e kryeministrit Edi Rama me Izraelin, duke i lidhur deklaratat e fundit të palës izraelite me kursin diplomatik që qeveria shqiptare ka ndjekur ndaj Tel Avivit.
Bushati theksoi se Rama ka mbajtur qëndrime të njëanshme pas sulmit të 7 tetorit, duke dënuar Hamasin, por pa kritikuar veprimet e ushtrisë izraelite në Gaza.
Ai solli në vëmendje edhe fjalimin e Ramës në Knesset, si dhe marrëveshjet dypalëshe në fushën e mbrojtjes, sigurisë kibernetike dhe shëndetësisë.
Bushati u shpreh se këto qëndrime dhe bashkëpunime shpjegojnë edhe gjuhën e përdorur nga pala izraelite ndaj kryeministrit shqiptar, ndërsa vuri në pikëpyetje peshën e deklaratave diplomatike, duke kujtuar ndryshimet e qëndrimeve ndër vite në raport me Sali Berishën.
Pjesë nga intervista:
Pavarësisht se ty të duket qesharake, edhe unë po të isha ministri i jashtëm i Izraelit, në këtë rrethim të madh që është Izraeli, të gjeja një lake të këtyre përmasave që drejtonte një vend, me ato fjalë do i drejtohesha. Sepse për të kuptuar këtë deklaratë, mendoj unë, ne duhet të bëjmë një shikim të shkurtër jo të kursit personal, por të kursit të diplomacisë shqiptare tradicionale që ka thyer Edi Rama në raport me Izraelin dhe me çështjen Izrael-Palestinë.
Nuk po them deklaratat që e ka ofruar Shqipërinë si atdheun e dytë të hebrenjve, jo një herë po dy herë. Nuk po them për qëndrimet që ka mbajtur pas masakrës së 7 tetorit, ku vërtet, si shumë mendje normale ka goditur Hamasin, por nuk ka guxuar të thotë asnjë fjalë për atë që edhe institucionet ndërkombëtare e njohin si gjenocidin e, madje dhe vetë izraelitët si gjenocidin e ushtrisë izraelite në civilët e Gazës.
Mbani mend në janar të këtij viti fjalimin e Ramës në Knesset, në parlamentin e Tel Avivit. Pra, në një kohë kur asnjë lider perëndimor refuzonte të shkonte atje, jo vetëm se është në Tel Aviv, por mbi të gjitha pas asaj që po ndodhte në Gaza, Edi Rama jo vetëm shkon, jo vetëm i jep një pasqyrë të përçudnuar.
Prandaj e theksova lider perëndimor. E i thotë aty në sy të Netanyahut që ndoshta nesër edhe i mbirë do konvertohet në hebre, e të tjera e të tjera. E deri tani roli që po merr, roli i historianit për të zbuluar sa çifutë ka pasur në Orikum, apo për të vendosur një muze të hebrenjve këtu. Dhe kjo është, si të thuash, vetëm ajo fuqia e butë e miklimit të marrëdhënies me Izraelin. Por mos hyr pastaj në anën ekonomike. Ke Roni, e feti, ke ato që po bëhen në mbrojtje, për ato që po bëhen në fushën e kibernetikës, për ato që po bëhen në fushën e mjekësisë që do t'i jepet të gjithë tenderat e spitaleve, pajisjeve mjekësore një kompanie izraelite dhe këto të gjitha përmes marrëveshjeve që ka bërë qeveria me Izraelin. Pra, një njeri kaq bujar me ty kur Izraeli sot ka problem me shumë vende perëndimore, natyrisht që do t'i thuash kështu.
Pastaj, ti e di, edhe sikur të ishin seriozë, unë deklaratat e tyre nuk i marr parasysh, se i njëjti shtet që thoshte për Berishën 'burri i madh i shtetit, hajde mësoni si zhvillohet demokracia', Shqipëri pastaj thoshte 'Berisha non-grata', pastaj 'ndoshta nuk është edhe aq non-grata'. Pra, domethënë, hiq këtë që deklaratat kanë vlerë vetëm për çastin kur thuhen, por në këtë çast Edi Rama po sillet si një lake i bindur i lobeve hebre dhe prandaj ka marrë këtë dekoratë.
