Editorial Emisione Investigime Aktualitet Sociale Politikë Kosova Bota Showbiz Lifestyle Sport
TË FUNDIT
Dramë familjare në Vlorë/ Dy motra të mitura jashtë kontrollit, dyshime për ngacmim nga të rriturit Artistët e “atyre” dhe të “këtyre” Shqipëria, portë e hapur pa asnjë kontroll / Emigrantët nga Lindja shtojnë radhët e kriminalitetit Buxheticidi! Laboratorët pa mjekë të specializuar/ Pas denoncimit të Piranjave, Ministria ndryshon rregulloren Kërkesë kundër ekstradimit/ Gjykata Supreme e Brazilit vendos për narko-trafikantin Ervin Mata Berisha: Protestat e qershorit, uragani më i fuqishëm i lirisë së shqiptarëve! Studentët e rinia, të gatshë... EMRI/ Dhunoi policin dhe gëlltiti kokainën, kush është 40-vjeçari shqiptar që përfundoi në gjendje të rëndë... Nis protesta e 174 kundër qeverisë para Kryeministrisë, protestuesit përplasen me policinë Merret vendimi për kryebashkiakun, Erion Veliaj do t’i nënshtrohet operacionit më 23 nëntor, Drejtoria e Bu... Gjeti 12 mijë euro në koshin e plehrave dhe i dorëzoi në polici, ndershmëria i siguron punë të përhershme n... Kishte shkuar për azil, 28-vjeçari shqiptar humb jetën në kampin e refugjatëve në Berlin
POLITIKE

Gjekmarkaj në Zagreb, takon homologun Reiner: Mbështetja për Shqipërinë dhe Kosova në fokusin e takimit

P
Piranjat 6 October 2026, 12:41 · 2 min lexim
Gjekmarkaj në Zagreb, takon homologun Reiner: Mbështetja për

Nënkryetari i Kuvendit të Shqipërisë, Agron Gjekmarkaj, zhvilloi një takim në Parlamentin e Kroacisë me nënkryetarin e këtij institucioni, akademikun dhe kardiologun Željko Reiner.

Gjekmarkaj në Zagreb, takon homologun Reiner: Mbështetja për

Gjatë takimit, Gjekmarkaj shprehu mirënjohjen për mbështetjen e Kroacisë ndaj Shqipërisë në procesin e integrimit europian, si dhe ndaj Kosovës. Ai vlerësoi gjithashtu qëndrimin e Kroacisë lidhur me ish-komandantët e UÇK-së që po përballen me procesin gjyqësor në Hagë.

Gjekmarkaj gjatë bisedës përcolli në emër të liderit të opozitës, Sali Berisha, përshëndetjet për kryeministrin kroat Andrej Plenković, të cilin e cilësoi si kryetar të një partie të qendrës së djathtë dhe aleate në Partinë Popullore Europiane.

Një pjesë e diskutimit iu kushtua zhvillimeve politike në Shqipëri. Gjekmarkaj tha se ngriti shqetësime lidhur me zgjedhjet, të cilat, sipas tij, janë kontestuar edhe nga OSBE/ODIHR. Ai deklaroi se në vend vijon një klimë protestash dhe pakënaqësie, ndërsa opozita, sipas tij, është përjashtuar nga jeta institucionale dhe nga diskutimet për reforma, përfshirë reformën territoriale dhe atë zgjedhore.

Nënkryetari i Kuvendit ben te ditur se diskutoi për shqetësimet e tij lidhur me drejtësinë, duke vlerësuar se zhvillime të tilla ndikojnë në rrugën europiane të Shqipërisë.

Në takim u diskutuan edhe marrëdhëniet historike dhe lidhjet kulturore shqiptaro-kroate. Gjekmarkaj veçoi traditën e shkollave françeskane të Livnos dhe ndikimin e tyre në formimin e disa prej figurave të rëndësishme të kulturës shqiptare, mes tyre At Gjergj Fishta dhe At Shtjefën Gjeçovi.

Biseda preku gjithashtu kontributin e albanologut kroat Milan Šufflay, rolin e Universitetit të Zagrebit në formimin e intelektualëve shqiptarë të Kosovës, si dhe historinë e arbëreshëve dhe praninë shqiptare në Kroaci.

Në përfundim të takimit, Gjekmarkaj ftoi nënkryetarin e Parlamentit kroat, Željko Reiner, për një vizitë në Shqipëri.

SHPËRNDAJE

Lexo edhe

POLITIKE

Me rëndësi

Ndiqni Piranjat kudo.

Investigime, denoncime dhe satirë — zëri që nuk hesht.